Tapas Brew (已結業)

博文街呢間未食過，冇得評論。但大埔呢間就食到一肚火！所謂西班牙菜係有幾款tapas加所謂一兩款paella，真係好意思叫自己tapas餐廳！首先係個蒜片蝦，蒜味都夠但D蝦梅的，揸fit嗰位話係新鮮蝦，咁即係點？廚師將新鮮蝦整到梅左？青口我事前已問左兩次係唔係雪藏貨，佢地話新鮮的法國貨，點知又係梅的，大佬呀！我係一田買一包就咁蒸都嫩過佢一百倍啦！佢又解釋唔係季節，咁你D野唔得就唔好出啦，話貨唔靚今日唔推咪得囉，重要收咁貴！好冇意思呀，有冇良心呀做生意？！八瓜魚沙律張相係一片片，嚟到就一粒粒的，老細，你知唔知而家有商品條例㗎！Paella海鮮飯D飯一舊舊，到底你地有冇食過西班牙海鮮飯㗎，係有湯汁掛飯㗎，topping海鮮就好似上面咁，唔洗多講！其它野就更無謂講， 嘥氣！唯一可以食的係乳豬同豬手，應該係你地隔離姊妹店德國廚房攞過來，咁你不如直接開多間德國菜啦，什麼Tapas呀！重要收費拍得住尖沙咀，可否比番好少少嘅食材，有良心D啦！