影片
更多
2018-03-26
65 瀏覽
好難得先約到韓妹出黎，佢今日返11點，熊妹就放假，所以約好食lunch。不嬲熊妹同韓妹相見的老地方係旺角，而熊妹又唔會放過任何一間有牛油果菜式的餐廳的，所以特登揀呢間旺角區的平民cafe。地理位置有啲近太子的，係界限街球場附近，唔係旺角市中心區，所以比較寧靜。店舖唔係好大，有幾張2人枱，4人枱同一張大枱。環境裝修得好舒服，樓底比較高，天花撘成左拱型屋頂，令到成間cafe空間感多左，感覺好光鮮。cafe 主要以白色同棕色為主，仲有少少藝術的擺設，掛畫，成件事令人好和諧好舒服， 不會覺得花多眼亂。cafe係自己點餐模式的，所以唔會收加一。counter附近有個自助吧，餐具，餐碟，紙巾，調味料可以係度攞，仲有水杯同水，都係自助自己斟，自由度好大。一心黎食牛油果，就叫齊哂佢兩款牛油果招牌菜喇。先點個煙肉碎牛油果蜜桃粟米沙律，$72。都幾大碟，好多沙律菜，煙肉碎係煙燻過再切粒，加埋蕃茄仔，粟米同蜜桃，再撈上 caesar salad dressing，好fresh 喎!雖知蜜桃都係罐頭個隻，但食落唔會好多小滴滴，濕濕地咁，明顯地係有處理過，整乾啲罐頭糖水，所以連埋菜一齊食好新鮮。牛油果就有3，4
不嬲熊妹同韓妹相見的老地方係旺角，而熊妹又唔會放過任何一間有牛油果菜式的餐廳的，所以特登揀呢間旺角區的平民cafe。
地理位置有啲近太子的，係界限街球場附近，唔係旺角市中心區，所以比較寧靜。
店舖唔係好大，有幾張2人枱，4人枱同一張大枱。
環境裝修得好舒服，樓底比較高，天花撘成左拱型屋頂，令到成間cafe空間感多左，感覺好光鮮。
cafe 主要以白色同棕色為主，仲有少少藝術的擺設，掛畫，成件事令人好和諧好舒服， 不會覺得花多眼亂。
cafe係自己點餐模式的，所以唔會收加一。counter附近有個自助吧，餐具，餐碟，紙巾，調味料可以係度攞，仲有水杯同水，都係自助自己斟，自由度好大。
avocado corn salad with grilled bacon
$72
7 瀏覽
0 讚好
0 留言
一心黎食牛油果，就叫齊哂佢兩款牛油果招牌菜喇。先點個煙肉碎牛油果蜜桃粟米沙律，$72。都幾大碟，好多沙律菜，煙肉碎係煙燻過再切粒，加埋蕃茄仔，粟米同蜜桃，再撈上 caesar salad dressing，好fresh 喎!雖知蜜桃都係罐頭個隻，但食落唔會好多小滴滴，濕濕地咁，明顯地係有處理過，整乾啲罐頭糖水，所以連埋菜一齊食好新鮮。牛油果就有3，4件，好夠熟，唔會太生硬，又唔會過熟變蓉咁，獨立食已經好好味。
smoked salmon avocado croissant
$68
7 瀏覽
0 讚好
0 留言
然後第二款係煙三文魚牛油果牛角酥，$68。一開頭其實係見牛油果就即叫，無理到其實煙三文魚同牛油果唔知夾唔夾。幾驚喜喎，有足足半個牛油果的份量夾係牛角包入面，連埋一大塊煙三文魚，橙色綠色，賣相已經好吸引。煙三魚的咸味同油份融入係乾身軟熟又無咩味道的牛油果中，係好夾架!唔需要任何醬汁的調味反而更能吃到食材本身的滋味，唔會俾醬汁蓋過主角，真係好好味，加埋脆脆地酥化的牛角酥，真係估唔到的夾，世界上有好多野真係估佢唔到，所以勇於嘗試，就不枉此生，哈哈。跟包有伴碟沙律，就係啲沙律菜同蕃茄仔撈黑醋汁，無咩特別喇
flat white
5 瀏覽
0 讚好
0 留言
黎cafe當然要嘆杯咖啡的，熊妹照常地叫了最愛的flat white。本身以為得散點無set，但原來係星期一至五10點到下午3點有跟餐一杯咖啡，如果點其他茶款呀，matcha caffe latte，mocha，lemonade就另加$15，所以熊妹呢杯flat whie係包的，係抵喎。綠色瓷杯呈上，唔係好大杯 ，都幾香咖啡味，係熊妹喜歡重少少咖啡味的flat white。
一貫地，飲到最後，拉花還完整無缺就合格喇!
apple & cinnamon tea
$15
4 瀏覽
0 讚好
0 留言
韓妹點的係apple & cinnamon tea，呢個就要加$15喇，一set好可愛的綠色茶壺仔跟一個小瓷杯，放上一個木托上，好有茶道的感覺。淡淡的果香同玉桂味，唔會太甜，茶味又唔會太濃，飲落好清。店員仲好窩心地見飲到無乜，會問一問需唔需要再添加水，好少地方可以再加水架，因為suppose係點一壺就一壹，再加就再點囉。
lunch time 黎講唔算好多人，唔係話全場爆滿，不過仲keep住有人黎幫襯，但唔會話有進餐限時，唔會話迫人走，坐係度吹下水真係好舒服，由裝潢，掛牆擺設，餐碟，菜
茶杯等等各樣各樣都好精緻，好有自家經營的cafe feel，好似玩bakery story咁自己揀自己cafe的風格，小擺設，小枱幾張，自助水吧，悠閒小吃，值得再encore支持!
張貼
