影片
更多
2016-10-05
1773 瀏覽
Girls talk 嘅一晚，嚟到中環 Bao Bei。嚟呢度係為咗影相呃 like ，大家都會被益力多同麥精維他奶呃到。查實佢地係益力多溝soju 同埋麥精溝Bailey's，呢兩款「童年回憶」係比一般嘅回憶特別，易入口但係after taste 會有酒香味，可謂呢個童年歷盡滄桑，同時又帶點幼嫩感。食物方面，貌似暗黑料理嘅麻婆豆腐薯條首先出場。辣辣地，真係有麻婆味，再有少少芝士，好似坊間嘅薯條撈乜乜乜，幾好食。Pork Belly Rissotto 係完美演繹中式fusion 菜。豬腩肉炒落 Rissotto 度，成個飯香都有豬肉香味，而Rissotto 又唔油亦唔膩。其他菜式仲有三款包同炸奶，味道正常，無乜特別。呀！飲品方面，仲有萬字杯裝嘅vodka 溝Godiva 朱古力，差啲被遺忘因為平凡。呢度10點前晚飯時段都係女性客人或者couples 為主，始終碟頭細，男人不懂，所以係Girls talk, ladies night 嘅好地方。10點之後就dim 燈，仲多咗啲party 友，加上地方唔算大，成個餐廳都好嘈。不過一到10點，每枱有份送酒花生，炒香過仲似有少少XO 醬味，記得
嚟呢度係為咗影相呃 like ，大家都會被益力多同麥精維他奶呃到。查實佢地係益力多溝soju 同埋麥精溝Bailey's，呢兩款「童年回憶」係比一般嘅回憶特別，易入口但係after taste 會有酒香味，可謂呢個童年歷盡滄桑，同時又帶點幼嫩感。
食物方面，貌似暗黑料理嘅麻婆豆腐薯條首先出場。辣辣地，真係有麻婆味，再有少少芝士，好似坊間嘅薯條撈乜乜乜，幾好食。
Pork Belly Rissotto 係完美演繹中式fusion 菜。豬腩肉炒落 Rissotto 度，成個飯香都有豬肉香味，而Rissotto 又唔油亦唔膩。
其他菜式仲有三款包同炸奶，味道正常，無乜特別。呀！飲品方面，仲有萬字杯裝嘅vodka 溝Godiva 朱古力，差啲被遺忘因為平凡。
呢度10點前晚飯時段都係女性客人或者couples 為主，始終碟頭細，男人不懂，所以係Girls talk, ladies night 嘅好地方。10點之後就dim 燈，仲多咗啲party 友，加上地方唔算大，成個餐廳都好嘈。不過一到10點，每枱有份送酒花生，炒香過仲似有少少XO 醬味，記得唔好 miss 咗呀！
張貼
