德美壽司

營業中

休息中

燒牛舌 $42有五件牛舌，每件都厚過$5銀仔～彈牙QQ啊。基本上是我每次必食嘅選擇 三文魚壽司🍣雖然餐牌無寫，但好似已經係Default左係厚切咁。師傅按紋理切左斜紋，應該係為咗令刺身更易攤開，覆蓋壽司。不過我覺得咁就可以分開一格一格，按住切嘅敍紋嚟一啖啖食 食到最尾一啖，就算無哂飯，都仲有厚厚嘅三文魚肉。好有日本感覺。油甘魚壽司建議～食油甘魚就唔好咁快咬爛，容讓舌頭同刺身交融一下先。因為油甘魚本身嘅油脂好香好豐富，已經好刺激味蕾。和牛刺身壽司值唔值呢？口感嚟講，其實都幾有肉味，油脂都有少少。但可能因為我壓軸先食，所以味蕾已經被油甘魚霸佔哂。我憑信心相信佢本來可以更加好食。不過，和牛塊肉無辨法咬開，要一啖食就係事實，唔似得魚咁可以慢慢嘆嘅。所以，一件、試過已足夠。牛油果軟殼蟹手卷伸出來的兩條野⋯應該係想扮哂蟹，或者戴頭盔——日本武士嘅頭盔。外觀得意。味道都Jeng Jeng嘅。即叫即炸，無好Surprise但就好合乎理想期望嘅手卷。