BASAO tea (月街)

營業中

休息中

咖啡店就去得多，專飲茶既都係第一次。 木紋色做主導配搭白色和綠色植物，相當有日式氣息。舖內長方形既格局，同大部分咖啡店相約，但氣息就立即令整個人都平靜落黎，更有一種洗滌心寧，準備要禪修嘅感覺。舖內尾段有層架示展自家品牌嘅產品，茶包到茶具都有發售。 由於店舖都主要食物以蛋糕茶點為主，所以枱櫈都比較小型，最後位置亦都設有矮小長枱，可供四人使用。呢到亦都算屬於少許自助形式，枱面放左 menu ，睇岩揀好就出去Order，隔離仲有個透明小雪櫃擺放住自家製食品同飲品 。 長形水吧令泡茶嘅過程一覽無遺，平時擺咖啡機嘅地方，呢到就變左茶杯茶具同其他沖煮機器。吧枱亦都有高櫈，可以近距離觀賞泡茶嘅過程。望望雪櫃，卷蛋既顏色同口味都好少見好獨特，仲要自家製，梗係要試下啦！蛋糕卷都係以茶味為主，中間嘅cream好香滑，夾住蛋糕一齊食，可以令蛋糕冇咁乾。 黎到呢到飲茶就更㗎啦，咁除左茶呢 ？ 無錯！除左茶之外，佢地仲有其他特別野飲嘅...第一次飲有氣嘅茶，感覺好特別～ 牛油果味好特出，一陣牛油果味過後會慢慢有一陣茶味出嚟，不過呢杯野飲冇乜調味，所以飲飲下可能會感覺到牛油果嘅青味。