傷心酸辣粉 (西洋菜南街) (已結業)

去太子好多時懶得諗會直接去華星食茶餐就算，今次想食下其他野，在成條食街逛咗一次，好多選擇，最後點咗食酸辣野。其實傷心酸辣粉唔止一間，但咁耐以來都未食，因為個名令我卻步，食完會傷心咁慘....但次次經過都見有唔少人食，所以今次要試下。揀咗個二人C餐，包兩碗傷心酸辣粉、一碟青瓜、一碟豬肚絲、一碟口水雞，同埋優惠價兩杯飲品（熱飲加2蚊、凍飲加3蚊）二人套餐C內的口水雞（BB辣），接受到的辣二人套餐C內的豬肚絲（BB辣）話BB辣，食落好辣....原來唔止BB辣，食到我留晒鼻水，口唇麻晒；要求換過，最後呢.... 都只係倒咗D 汁，加多咗青瓜絲二人套餐C內的青瓜（BB辣）二人套餐C內的傷心酸辣粉（BB辣），走酸 ～ 薯粉又幾好味，不太辣，合我口味。二人套餐C內的酸辣粉（中辣），走酸 ～ 見到都覺得好辣見隔隔離檯有位獨女一個人叫一碗好多餸嘅粉外，仲有一碟唔知乜東東，再見到樓面放底一大碟口水雞，碟雞有半隻，好吸引，所以我地學人加半隻口水雞 不過呢..... 好似成個套餐碟碟都差不多味。 所以只能好偶爾食，如果唔係真係幾悶。樓面人手三個，負責埋收銀同送外賣，眼見個個做到氹氹轉，但服務有禮又殷勤。