Ocio (東港城) (已結業)

餐廳環境好靚，設計好文青，牆上面有好多掛畫，打卡一流，梳化位都坐得好舒服，最特別係調味料樽好靚。去骨BBQ春雞半黑松露薯蓉10分推介，春雞大細適中，適合一個人食，好入味，雞肉嫩滑。黑松露薯蓉好滋味，鹹到適中。南瓜餐湯唔淡味，充滿南瓜味，好creamy嘅質感。炭燒美國肉眼配薯條好大塊份量好夠，一個人食唔晒，好厚身，面頭燒得好香脆。薯條嘅份量都好多，底下仲有青瓜同茄子配菜，同樣好食。Oreo曲奇雲呢拿奶昔好rich 好creamy 唔會好甜，推介。檸檬茶糖水分開上，可以自己控制甜度。