南대門

營業中

休息中

食韓國野真係會令人上癮，上次食完韓牛，忍唔住想再食，不過今次就揀食豬。係尖沙咀「韓國街」見呢間餐廳的BBQ晚市套餐都幾抵，$368就可以選一款豬肉(另有牛肉套餐)、主菜x2及飲品x2，決定入去嘗嘗。同樣地甫入座就奉上5款韓式前菜小食，酸酸辣辣的泡菜絕對係我至愛，辣生菜及椰菜花都幾好味。燒烤的肉食我們選了醬醃上肩肉，兩大塊，肉質結實，吃起來不油膩，烤至微焦後，外皮香脆，內裡依然保有肉汁，用生菜、泡菜及辣醬包埋一齊食超滿足。兩款主食則叫了辣海鮮豆腐湯及石鍋拌飯，海鮮湯有有蝦、蜆做配料都幾有鮮味，有大量滑嫩豆腐，辣度適中，湯底濃郁；石鍋拌飯色彩繽紛配菜好多，紫菜、雞蛋、牛肉、芽菜及紅蘿蔔絲等，拌勻一齊食，滋味有層次，最下面仲有少量飯焦，夠香口。套餐飲品則可選汽水或韓式罐裝飲品，梨汁清爽可口，提子汁微甜芳香。另外單點的蜜糖牛油蒜蓉炸雞$130真心好食，雞件炸到外皮超級脆，好乾身所以可沾滿蜜糖牛油粉，雞肉肉質嫩滑入口有蒜蓉香，仲有大量粗切大條薯條作配菜。