影片
更多
4天前
0 瀏覽
對韓國菜嘅喜愛有增無減，每個月都要嚟一次韓國街，呢間嘅BBQ晚市套餐都幾抵食，$388可以揀一款燒肉加兩個主食，仲有埋嘢飲~首先上前菜五小碟，比較特別嘅係涼拌茄子，口感同香港嘅茄子有啲唔同，好似爽口啲~🔘板腱肉份量比想像中多，有啲厚度，肉味香濃，屬於比較有咬口嘅牛肉，配搭爽口嘅生菜一齊食，唔會感覺太油膩~🔘石鍋拌飯枱面有韓式辣醬任加，有翠玉瓜絲幾特別同爽口，食到最尾都幾多飯焦~🔘韓式牛肋骨湯 湯頭濃郁鮮甜，冬天食熱辣辣，拌飯一流，牛肋骨已經起咗骨，變成柔軟嘅肉片，方便食用~最後仲加點咗一條紫菜包飯，傳統餡料，幾香麻油味~
張貼
