一郎 (已結業)

發現左呢間超可愛嘅拉麵店，店內佈置有唔少bearbrick，其中有一大隻伴食🫶🐻即刻同 🐗 放工過黎試試🫶我最鍾意限定君—鯛魚拉麵👍👍。白色魚湯特別搭配幼麵，鮮味爆發。配上烤鯛魚件、大蔥、溏心蛋同角切豚肉，每一種食材都煮得好好，同湯底、麵質非常夾😋但如果你係濃味派，咁就一定揀🐗 嘅黑郎君拉麵。黑蒜嘅甜美同獨特香味完美融入粗麵條同湯頭，配上半肥瘦叉燒同超紅蛋黃溏心蛋，睇得出有用心搭配。我地仲叫左兩款小食，餃子賣相好可愛，好有條裙仔咁。餃子充滿肉汁，塊薄脆令口感更豐富。唐揚炸雞調味啱啱好，炸到酥脆多汁，但肉質又好鬆軟。佢配埋蛋黃醬，味道更濃郁。我本來想叫波子汽水，但店員向我推介一款特別嘅飲品─靜岡抹茶可樂🫶我從未聽聞過呢種飲品，顏色似綠茶，但味道同可樂相似，但有微微茶青味，都幾清新。我地走果陣仲玩埋扭蛋，抽中左現金劵🫶總括而言，餐廳不論食物和裝修佈置都好有心思，特別係鯛魚拉麵，真係好好食！