咕嚕咕嚕

營業中

休息中

踏入尖沙咀諾士佛台嘅樓上酒吧，一眼就被呢個《咕嚕咕嚕》霓虹燈招牌同裝飾吸引住，帶點型格又帶點復古嘅味道。餐廳酒吧嘅中心就係有得玩beer pong、桌球嘅地方，仲有唔少大大小小嘅電視螢幕可以約埋一班人係度睇波，都真係有幾多嘢玩！ 😍除咗飲酒之外，Happy hour（4:00-9:00) 仲可以叫唔同嘅串燒組合送酒。我哋心大心細，揀個種類咩都有啲組合就啱晒：刺身帯子、 日本黑豚腩肉、羊肋串雞中翼、牛舌芯，配上啤酒，簡直一流。🍻🍢主食就叫咗巴馬火腿火箭菜pizza，影完相之後已經凍咗 ，不過呢個雙餅底烤完出嚟keep到餅底煙靭，餅邊脆口既口感，而且餡料豐富！至於水牛城雞翼嘅藍芝士醬較流質，味道濃郁。 整體嚟講係有得食有得飲，又有得玩嘅消遣好地方。