Bella Shine (已搬遷) 新店位置

今晚又到觀塘工廈覓食，見到Bella Shine 係openrice 評價都唔錯，不妨一試。星期五晚全場滿坐，雖然坐得都舒服，但如果想傾計其實都有D嘈。頭盤賣相唔錯，但味道一般，反而係個包幾好味。黑松露忌廉磨菇湯 - 朋友想試黑松露忌廉磨菇湯，有濃郁黑松露香味，但質感較稀，感覺餐湯更美味。日式胡麻蟹肉沙律 - 正常沙律的味道，分量都算足夠的。炸豬手 - 分量十足，但皮炸得唔夠香脆，反而都幾韌下，幸好個肉都滑，加上特配醬汁都唔錯。軟殼蟹天婦羅咸蛋黃扁意粉 - 意粉滲出咸蛋香味，既係西式意粉，但又有中式的感覺，非常特別，而且都好味。甜品比想象中出色，各樣都唔會太甜，為晚餐畫上完美的句號。整體而言，食物質素唔錯，但性價比唔算特別高，晚餐套餐基本要$200 ，只可以話一分錢一分貨，都算係合格過得去既。