Mr & Ms Burger (已結業)

都數不清這是第幾趟到mr & ms burger 了。反正星期五晚餐，一個人在這兒獨享至juicy burger。懷舊美國風格，好有feel。6點半走進主店，不用等候，坐下二人位。雖然這店空間較窄，但樓底夠高，填補空間感。主店側亦有輔店，寬落很多，有長台凳，一行二人以上夠晒位坐。Burger款式很齊全，牛、雞、豬，甚至魚(龍脷柳)都有。至於我就選了bello bello 貝羅黑松露芝士漢堡($68)，轉Combo 炸薯條同汽水($28) 。點完餐，可樂都好快手上左，飲住野等個包。Bello Bello 貝羅黑松露芝士漢堡 ($68)一個字多d，bello bello 貝羅黑松露芝士漢堡就到手。成個包有一個手掌咁高。望落已經流晒口水。塊貝羅菇真係好大好厚身！ 菇的下層都夾左蕃茄、火箭菜、洋蔥。選用的蔬菜好新鮮、爽口； 夾埋中間半溶左的車打芝士、埋黑松露醬同埋店的秘製醬，係非常好食！！！唯美中不足的，係塊芝士太細塊，食到一半就無晒芝士。炸薯條厚切薯條面層個幾條好長身，炸得岩岩好。盤內薯條就短身d。去到七點，鋪內已經滿晒座，見很多漢堡送往輔店；亦有食客一下子外賣的4個漢堡。必試！