影片
更多
2020-04-25
3280 瀏覽
Time for Black Series(⁎⁍̴̛ᴗ⁍̴̛⁎).相信作為學生/打工仔嘅見到呢個價錢都會覺得有啲離地，不過作為一間米芝蓮一星嘅餐廳，仲入選為亞洲50大餐廳，呢個價錢都尚算親民! 整體黎講呢到嘅環境同氣氛確實一流，感覺好似置身係一間french bistro嘅氛圍下~.食物質素方面，幾乎每一道菜都係衝擊緊味蕾，不過以呢個價位黎講我會期望每一個component都係出乎意料嘅好食，可惜就唔係每一道菜都做到達到呢個指標😐.🍰拿破崙蛋糕 先由全晚嘅highlight開始🌟呢到嘅Mille Feuille真係人生中食過最好食😭💓先由酥皮開始，眼見酥皮層數極多，一切落去已經聽到酥皮裂開嘅聲音係有幾清脆利落!! 酥皮質感鬆化唔油膩，近乎入口融化嘅狀態🤤夾住幼滑嘅吉士醬，吉士醬同酥皮嘅比例恰宜，甜度剛好~ 最後配埋梨果醬一齊食，將味道提升到另一個層次，每一啖都係味覺嘅享受😭.🐓招牌烤雞配法式青豆用到本地農場嘅雞隻，雞肉嫩滑多汁，即使雞胸嘅部份都唔鞋口~ 雞皮下鑲入菠菜同蘑菇蓉，增加味道層次，可惜唔係每一塊雞肉都有👀而雞肉本身嘅味道就較為單調，需要靠醬汁調味，所以呢到主菜相比之下就比較遜色😐不過
.
相信作為學生/打工仔嘅見到呢個價錢都會覺得有啲離地，不過作為一間米芝蓮一星嘅餐廳，仲入選為亞洲50大餐廳，呢個價錢都尚算親民! 整體黎講呢到嘅環境同氣氛確實一流，感覺好似置身係一間french bistro嘅氛圍下~
.
食物質素方面，幾乎每一道菜都係衝擊緊味蕾，不過以呢個價位黎講我會期望每一個component都係出乎意料嘅好食，可惜就唔係每一道菜都做到達到呢個指標😐
.
🍰拿破崙蛋糕
先由全晚嘅highlight開始🌟呢到嘅Mille Feuille真係人生中食過最好食😭💓先由酥皮開始，眼見酥皮層數極多，一切落去已經聽到酥皮裂開嘅聲音係有幾清脆利落!! 酥皮質感鬆化唔油膩，近乎入口融化嘅狀態🤤夾住幼滑嘅吉士醬，吉士醬同酥皮嘅比例恰宜，甜度剛好~ 最後配埋梨果醬一齊食，將味道提升到另一個層次，每一啖都係味覺嘅享受😭
.
🐓招牌烤雞配法式青豆
用到本地農場嘅雞隻，雞肉嫩滑多汁，即使雞胸嘅部份都唔鞋口~ 雞皮下鑲入菠菜同蘑菇蓉，增加味道層次，可惜唔係每一塊雞肉都有👀而雞肉本身嘅味道就較為單調，需要靠醬汁調味，所以呢到主菜相比之下就比較遜色😐不過值得一提係side dish嘅青豆薯蓉，入口順滑creamy，混入煙肉+香蔥+青豆，注入鹹味同時亦無蓋過薯蓉嘅牛油香🤤
.
🦐甜蝦配唐芹
呢一道菜作為頭盤絕對係震驚味蕾❗️第一啖食落好似蒸蛋白，質感滑溜，配埋底部嘅唐芹啫喱，幾特別嘅配搭~ 味道方面就較咸，似食緊好咸嘅魚子醬咁，不過就唔係太食到佢嘅鹹味係黎自邊一種材料🤔
.
🐚北海道帶子配柚子昆布
帶子煮到半生熟，質感嫩滑，而外層由意大利雲吞皮包住，口感配搭唔錯😚醬汁加入柚子+昆布熬成，帶點鹹鮮味，更能調出帶子嘅鮮味~而柚子本身帶酸酸甜甜，令味道層次變得豐富🤤
張貼
