November (大明里) (已結業)

我幾年前就聽過呢間鋪頭，話說我朋友喺石門附近返工，佢三日唔埋兩日就影我睇飲November，但北區嘅牛牛冇動力特登搭車去石門嘆呢杯嘢，一直都只係book mark喺will go list，最近發現大埔開咗分店，牛牛表示非常開心。間鋪頭開喺大埔墟公園仔附近，tiffanny blue嘅鋪面好搶fo唔難搵。🍫🍌朱古力香蕉邪惡嘅朋友推介我一定要飲佢杯朱古力香蕉，本身第一啖飲落都覺得冇乜特別，比一般milkshake濃郁d姐，但搞多兩搞d香蕉味出哂黎，果然冇介紹錯。🍓🥛士多啤梨莓莓奶奶而同我同行嘅朋友就揀咗士多啤梨莓莓奶奶，我偷飲咗一啖，啖啖果肉絕對冇揸流攤，酸酸甜甜，即使飲哂一杯都唔會覺得好罪惡感。熱日炎炎，飲完杯嘢即刻降哂溫，行過路過，唔好錯過。