影片
更多
2025-01-09
3 瀏覽
有一晚突然懷念起以前去韓國旅行食既地道韓國家常菜，朋友即刻提議黎Bigmama試下，話呢間小店係一位韓籍媽媽經營，招牌係用心做既韓國家常菜。我地坐低後，店員即刻送上四款自家製醃身，有大豆芽菜、泡菜、魚板絲同脆玉瓜，全部都酸酸甜甜好開胃，仲即刻令我對晚餐充滿期待！ .海鮮韭菜煎餅 $143：超足料香脆，海鮮味爆棚 首先試左佢地既海鮮韭菜煎餅，真心係我食過最好食既韭菜餅之一。煎餅兩面煎到金黃色，外層香脆，內層係滿滿既韭菜同魷魚肉，足料到每啖都可以食到韭菜既鮮甜同魷魚既彈牙口感。加埋佢地自家調製既海鮮汁一齊食，香口程度即刻升級，真係食到停吾到口！ .石鍋雞飯 $95：飯焦香脆，滿滿地道風味呢個石鍋雞飯係熱辣辣端上枱既，石鍋入面既飯同材料烤到岩岩好，仲有一層飯焦！材料有雞肉、大豆芽菜、紅蘿蔔絲同洋蔥絲，全部都係簡單卻地道既韓國家常菜配搭。我自己就中意加埋韓式辣椒醬再拌勻，每啖都係濃濃既辣香味，配埋飯焦既香脆口感，簡直係幸福既味道！ .紫菜包飯 $60：大大嚿又實在，簡單又滿足紫菜包飯係份量十足既，切左十大嚿，每嚿都夠厚實，完全吾會鬆散。餡料有煎蛋、紅蘿蔔絲、腸仔、青瓜同醃酸瓜，每樣材料
有一晚突然懷念起以前去韓國旅行食既地道韓國家常菜，朋友即刻提議黎Bigmama試下，話呢間小店係一位韓籍媽媽經營，招牌係用心做既韓國家常菜。我地坐低後，店員即刻送上四款自家製醃身，有大豆芽菜、泡菜、魚板絲同脆玉瓜，全部都酸酸甜甜好開胃，仲即刻令我對晚餐充滿期待！
.
海鮮韭菜煎餅 $143：超足料香脆，海鮮味爆棚
首先試左佢地既海鮮韭菜煎餅，真心係我食過最好食既韭菜餅之一。煎餅兩面煎到金黃色，外層香脆，內層係滿滿既韭菜同魷魚肉，足料到每啖都可以食到韭菜既鮮甜同魷魚既彈牙口感。加埋佢地自家調製既海鮮汁一齊食，香口程度即刻升級，真係食到停吾到口！
.
石鍋雞飯 $95：飯焦香脆，滿滿地道風味
呢個石鍋雞飯係熱辣辣端上枱既，石鍋入面既飯同材料烤到岩岩好，仲有一層飯焦！材料有雞肉、大豆芽菜、紅蘿蔔絲同洋蔥絲，全部都係簡單卻地道既韓國家常菜配搭。我自己就中意加埋韓式辣椒醬再拌勻，每啖都係濃濃既辣香味，配埋飯焦既香脆口感，簡直係幸福既味道！
.
紫菜包飯 $60：大大嚿又實在，簡單又滿足
紫菜包飯係份量十足既，切左十大嚿，每嚿都夠厚實，完全吾會鬆散。餡料有煎蛋、紅蘿蔔絲、腸仔、青瓜同醃酸瓜，每樣材料既口感都好分明，食落有層次。紫菜既鹹香味將d餡料包埋一齊，好簡單卻好滿足
,
韓式金桔梳打 $20：清新解膩的絕配飲品
食咁多重口味既菜式，當然要黎杯清新既飲品平衡返啦！呢杯金桔梳打酸酸甜甜，氣泡夠足，飲完成個口腔都覺得特別refreshing，好解膩。
張貼
