新水記火鍋 (已搬遷) 新店位置

食左泰式生蝦、豉椒鵝腸、炸雲吞/鯪魚球、泰式燒豬頸肉同炒雜菜。最好味係泰式燒豬頸肉，香口之餘d肉依然好juicy, 唔會乾爭爭。泰式生蝦都好得，好新鮮同爽口。d蝦同蒜頭個味好夾。千祁唔好諗住自己唔食蒜頭就唔要，一齊食係好好味的。同埋太夜去可能會冇, 要食就早d。炒雜菜唔太油，可以叫佢多雲耳，d雲耳好好味。炸雲吞/鯪魚球好新鮮，係即炸的。我覺得雲吞好味d，隻蝦好大隻。聞說韮菜餃好味d，不過個日去到已經係十點半，所以已經賣哂。豉椒鵝腸都ok，有青紅椒做配菜，鵝腸好爽口。呢度毫無環境可言，不過食飯唔係食環境，好食就得，係咪？.