影片
更多
2009-10-04
8 瀏覽
祁生生日, R爆頭都唔知食咩好, 壽星仔又左揀右揀, 揀到最後一刻鐘話想食Buffet, 星期六既下午想搵酒店食buffet係無可能既事, 打左十幾個電話, Sorry你有錢都無得食。後來揀左百德新街既oyster bar, 但當我地去到時發現個頭都有幾間食肆, 最終揀左Mr.Steak Grill, 因為貪佢有扒食又有生蠔食。睇完餐牌放棄佢地既Semi-buffet, 雖然buffet餐牌內有我地想食既野, 但並非全部所以我地揀左食散餐喇。2條友都叫左好多野食, 再者星期六晚18:30 - 21:00係happy hour時間, 叫cocktail buy 1 get 1 free, 都幾抵丫。最可惜係我無電相機, 所以無得影下我地食左D乜。 香草焗田螺 - 一客有6粒, 3粒有shell, 3粒釀入白磨菇焗, Good 法式尼斯沙律 - 沙律配有2件燒吞拿魚肉, 吞拿魚有少少overcook, 但沙律tasty香煎鵝肝配士多卑梨汁 - 鵝肝唔太靚, 但表面亦煎得香脆生蠔 1 doz - 當晚生蠔特價, $98有半打, 夠新鮮加少少檸檬汁已經好好味 蘇皮海鮮周打湯 - 壽星仔祁生揀
睇完餐牌放棄佢地既Semi-buffet, 雖然buffet餐牌內有我地想食既野, 但並非全部所以我地揀左食散餐喇。2條友都叫左好多野食, 再者星期六晚18:30 - 21:00係happy hour時間, 叫cocktail buy 1 get 1 free, 都幾抵丫。最可惜係我無電相機, 所以無得影下我地食左D乜。
香草焗田螺 - 一客有6粒, 3粒有shell, 3粒釀入白磨菇焗, Good
法式尼斯沙律 - 沙律配有2件燒吞拿魚肉, 吞拿魚有少少overcook, 但沙律tasty
香煎鵝肝配士多卑梨汁 - 鵝肝唔太靚, 但表面亦煎得香脆
生蠔 1 doz - 當晚生蠔特價, $98有半打, 夠新鮮加少少檸檬汁已經好好味
蘇皮海鮮周打湯 - 壽星仔祁生揀既, 好濃的海鮮湯味, 最開心係湯並沒有加入太多忌廉去煮, 所以湯內足滿海鮮味。
法式洋蔥湯 - 呢個係我揀既, 夠洋蔥和牛肉湯味, 芝士亦很充足, 好味。
:chopstick 美國Dry Age Steak 9oz - 祁生揀錯生熟度, 他要求3-4成熟, 但對於風乾廿一日既dry Age來講, 呢個生熟度, 未能帶出dry Age應有既肉汁, 但可以肯定係有肉香, 如果揀5-6成, 我相信會好食好多。所以唔關餐廳事, 係個人因素令塊扒差左。
Grill Seafood plater - 有半隻龍蝦, 帶子, 虎蝦和魷魚, 魷魚好滑, 龍蝦肉甜, 係虎蝦over cook.
Baked Pancake w/ birthday decorate - 特別叫餐廳加入birthday candle 令壽星仔可以吹爉燭啦。初時以為係市面普通黃色的pancake, 來到先知道係用牛奶做的pancake皮入面加入芒果肉, 藍莓和士多卑梨, 估唔到牛奶皮pancake非常之香的牛奶香味唷。
2個人食左$1470, 我就唔覺得貴喇, 再者cocktail係buy 1 get 1 free, 嚴格來講我地總共飲左4杯cocktail添。我和祁生選擇坐outdoor位置, 目的係想慢慢享受晚餐, 呢一餐由18:30食到....21:45食足3小時, 壽星仔祁生都非常滿意佢的birthday dinner呢。
張貼