瑪拉小廚 (已結業)

十一月同朋友們嚟慶生，入座前暗地裡同店員講為2位朋友慶祝，店員主動問生日主角名稱。食到咁上下，係時候上甜品喇。無啦啦熄咗啲音樂，播出remix生日歌，甜品亦送到其中一位主角面前! 大家都大笑，啲音樂又令人好想跳舞，主角十分開心!哈哈! 興奮地影完相後，以上音樂再起，大家都諗住係另一枱，點知另一個甜品送上去主角2号面前，十分驚喜! 店員仲好pro咁幫手影相，地方細細但佢好勁咁拎到好好嘅拍攝角度。正!講返啲嘢食，沙律嘅source好好味，令人好開胃同醒神!咖哩係必須的，Naan有好多款，有排試!起初有啲猶豫叫唔叫Pizza，但選擇無錯!正!個人認為好好食，好啱我囗味，會再嚟試多啲不同嘢食。推!