LaVilla TST (已結業)

話晒今日生日, 所以全日都要食好野, 哈哈~~下午過左尖東搵食, 之前聽日講話呢間既semi lunch都唔錯, 所以就過黎試下.可能係閒日, 人流唔算好多, 而且我地都早到, 所以不用等位, good~被安排坐到窗旁, 而且近取食物, 非常方便, 日光又充足, 好舒服~食物種類雖然唔算好多, 但只要好食既, 都冇所謂~~點餐後, 職員送上一籃麵包, 塗上橄欖油及醬料到脆卜卜既法包上, 簡直係完美! 好好味~出去拎左一轉食物, 沙律, HAMS, 生果類, 黑椒煙三文魚等~~味道真係唔錯, 蔬果類好新鮮, 煙三文魚好嫰滑!之後再試埋D菌類, 牛榐, 雞腳等冷盤~~主菜好快就上檯, 今次只叫一個主菜, 因為怕食唔晒. 咁叫法果然係明智!呢個白汁海鮮野菌意粉, 味道相當唔錯, 職員更會為客人加入黑胡椒, 白汁味道香濃, 裡面既配菜都好多~跟住就黎甜品時間, 當然咩都要試下啦~~生果焦糖布甸: 個人黎講, 喜歡食熱既, 不過呢個既布甸係凍食, 但都算係滑口~Tiramisu 好味! 芒果布甸呢....做得好硬, 應該落左好多魚膠粉...冇乜味道...pancake係已整好咁排在大碟上任客人夾