Coffee Obsession

營業中

休息中

撇除連鎖咖啡店，大埔有好多咖啡店都好似做唔住，又睇下Coffee Obsession破唔破到呢個魔咒。 Coffee Obsession喺北角都有一間，本身諗住同朋友去試。然後發現最近喺大埔都開左一間，咁就試左大埔嗰間先。 喺一個平日嘅下午，喺大埔想坐低飲杯咖啡其實選擇唔多。Coffee Obsession喺一個旺中帶靜嘅位置，穿過一條巷仔，喺露天停車場側邊嘅一個轉角位。今次叫左杯black magic坐低飲下。 咖啡要打到起泡（唔係奶泡，唔好見到咖啡有泡就覺得係奶泡）通常都係手搖/手打/機搖/機打，shakerato就係其中一種比較傳統嘅做法，搖到有泡再加甜或者加入咖啡師嘅特有配方。近年都有人用攪拌機黎打泡。 Black Magic：而今次個magic就係咖啡加左nitro，咖啡泡沫更細密更綿滑。除左有泡之餘，仲有好似黑啤嗰種慢慢沉澱嘅視覺效果。店員表示一斟出黎要快快呷一啖，體驗嗰種綿滑嘅感覺，因為沉澱之後會有另一種比較清爽嘅口感。 雖然唔係rocket science同埋咩驚天大發現，但係喺大埔黎講算新鮮架喇。