好媽媽台灣館 (已結業)

甚少寫食評，不過今次唔寫，對唔住已中伏嘅自己同將中伏嘅食客。 見「好媽媽」咁多好評，於是晚上同老公去試試，叫咗 台灣牛肉麵、鹵水雞翼、紫菜豆腐蚵仔湯等。牛肉麵麵條煙韌不錯，但用咗牛展都煮唔淋，蘿蔔有渣又唔入味，湯底偏酸鹹，又唔係酸辣湯，麻麻地；鹵水雞翼冇鹵水味，係冇味至啱，仲要過熟，唔好食；紫菜豆腐蚵仔湯好飲(未察覺係咪味精)，豆腐好滑，但睇真d原來係有添加盒裝豆腐，難怪啦!食嗰陣淨係知整體唔好食，都未知自己中哂伏！由晚飯到依家六個鐘，個口好鞋，非常口渴，成晚瘋狂飲水，就知自己飲咗好多味精落肚，依家都好唔舒服。係個麵定個湯，定樣樣都加重料就不得而知......好媽媽唔會畀成堆味精我食落肚，唔好再扮好媽媽...