一品螞蟻

營業中

休息中

好少會寫食評… 不過忍唔住要留言畀大家參考一下… 話說尋日本來同朋友等對面xx郎，不過入對面街呢間餐廳叫杯嘢飲住等啦… 後來，不幸地覺得都係輪唔到位，所以決定還掂坐低咗，就轉場响埋嗰度食… 問佢杯嘢轉跟餐餐飲得唔得，佢哋話得，仲話要補返差價… 先講食物，成枱有飯有粉有菜有肉，我哋唔係咩奄尖人，但食物全數由尚可到食唔到落去嘅劣食級數不等… 好啦已經不悅，仲要埋單趕住走人，發現飲品照收我哋錢，問完佢娥完一輪先話散叫唔可以計落餐！費事同佢嘈，叫佢補返外賣餐飲，又話外賣要加錢喎，我見嚟咗杯嘢細過乜咁，即場隊埋佢算，我杯應該係凍檸水，但我見到係有凍有檸，不過味覺上係水囉… 同埋我想講，一啲都唔平，成舊水倒落口，仲要一肚氣，一句講晒：冇下次！完。