影片
更多
2024-05-17
24 瀏覽
大前日(14-5-2024 Tue)我要覆診，就同老公食個早餐至出發，去邊喥食?前幾日得知大快活有竹炭多士，於是走嚟，嚟到搵位坐低先，老公買自己嗰份先，佢就用$32.00買H12嘅肉臊銀牙撈麵配腸粉，飲熱奶茶。之後到我去買，睇吓menu，唔見有竹炭多士，由於老公已買咗嘢食同自己清潔咗張枱，我唔可以轉第二間啦，唯有硬著頭皮照揀。就要$36.00嘅B15，煙肉洋蔥炒滑蛋，脆皮腸，餐肉，英式多士，都要熱奶茶。買完等多一陣，老公嘅早餐至有齊，然後我嘅都有齊，但睇睇煙肉洋蔥炒滑蛋，煙肉洋蔥放喺炒蛋面而唔係撈埋一齊炒都算，但唔見有洋蔥，再撩開啲蛋睇，係完全冇餡，唔通啲洋蔥煮溶晒?於是我成個餐捧返去出餐處問，唔知係咪高級啲女職員，就遞入廚，叫廚房睇吓兜嘢係點嘅?廚房就遞包急凍嘅嘢出嚟俾佢哋睇，佢哋睇咗話有洋蔥，然後答我來貨係咁，叫我食吓。我成餐攞返埋位食，將所有嘢分半後食。我先食多士，喺切開時已經韌到好難切，食落就自然係韌;炒蛋係嫩滑;煙肉就似係食到啲洋蔥味;其他都係來貨，正常冇問題。熱奶茶呢？唔落糖都覺得甜，茶味唔濃。最後食老公嘅肉臊銀牙撈麵同腸粉，佢只落麻醬同甜豉油喺腸粉喥都好夠味，腸粉厚身同滑
之後到我去買，睇吓menu，
唔見有竹炭多士，由於老公已買咗嘢食同自己清潔咗張枱，我唔可以轉第二間啦，唯有硬著頭皮照揀。
就要$36.00嘅B15，煙肉洋蔥炒滑蛋，脆皮腸，餐肉，英式多士，都要熱奶茶。
買完等多一陣，老公嘅早餐至有齊，然後我嘅都有齊，
但睇睇煙肉洋蔥炒滑蛋，煙肉洋蔥放喺炒蛋面而唔係撈埋一齊炒都算，但唔見有洋蔥，再撩開啲蛋睇，係完全冇餡，唔通啲洋蔥煮溶晒?於是我成個餐捧返去出餐處問，唔知係咪高級啲女職員，就遞入廚，叫廚房睇吓兜嘢係點嘅?
廚房就遞包急凍嘅嘢出嚟俾佢哋睇，佢哋睇咗話有洋蔥，然後答我來貨係咁，叫我食吓。
我成餐攞返埋位食，將所有嘢分半後食。
我先食多士，喺切開時已經韌到好難切，食落就自然係韌;炒蛋係嫩滑;煙肉就似係食到啲洋蔥味;其他都係來貨，正常冇問題。
熱奶茶呢？唔落糖都覺得甜，茶味唔濃。
最後食老公嘅肉臊銀牙撈麵同腸粉，佢只落麻醬同甜豉油喺腸粉喥都好夠味，腸粉厚身同滑;肉臊撈麵味道就唔濃唔太淡。
味道係2.75分
服務:
買飛時以免誤會，我話要boy15，收銀都可以話X15;答堂食俾完錢後，又問係咪堂食。遊魂?
衛生:
2.5分，因為都收唔切嘢。
上次食評係2024年5月3日刊登嘅呢篇: https://www.openrice.com/zh/hongkong/review/blie-%E9%86%92%E7%9B%AE-e5442633
張貼
