影片
更多
2008-05-23
6 瀏覽
5 個人寫完 3 個鐘英文字, 抽住一袋二袋 box files (-_-") 0黎食個慰勞 lunch, 叫了個 3 人套餐, 再另加碟京蔥牛柳絲炒粗麵 share 食.3 人套餐份量係夠 5 個人食的:- 腰果酥: 圓形的一團白色 pastry, 面頭鋪有黑芝麻粒, 食落果然夠「酥」, 有 d 似平日飲茶食到的蘿蔔絲酥餅. 入面就有 d 甜甜0地的無腰果味腰果蓉, 及鹹鹹0地的豬肉餡料, 配搭幾特別, 味道就過得去啦.- 鎮江肴肉: 無乜味, 唯有蘸0下鎮江醋, 但點知連鎮江醋味道亦淡淡的, 唔香又唔酸, 真奇怪.- 鮮肉小籠包: 同意樓下 elmotoro 所講, 皮夠薄, 但頂部麵粉太多, 食落好硬... 可幸湯汁夠多, 如果再熱 d 就好了.- 東坡肉: 好入味咁款, 賣相唔錯... 肥肉好香, 入口即溶, 好正! 瘦肉部分亦唔韌, 質感鬆化, 好食; d 汁就最正, 用0黎送白飯的話, 我相信我可以獨食兩碗! =P- 回鍋肉: 份量比較少, 而且 d 汁油得嚇人, 不過既然食得上海0野, 濃油赤醬在所難免... 豬肉薄切, 食落爽身, 配上辣辣0地的汁,
3 人套餐份量係夠 5 個人食的:
- 腰果酥: 圓形的一團白色 pastry, 面頭鋪有黑芝麻粒, 食落果然夠「酥」, 有 d 似平日飲茶食到的蘿蔔絲酥餅. 入面就有 d 甜甜0地的無腰果味腰果蓉, 及鹹鹹0地的豬肉餡料, 配搭幾特別, 味道就過得去啦.
- 鎮江肴肉: 無乜味, 唯有蘸0下鎮江醋, 但點知連鎮江醋味道亦淡淡的, 唔香又唔酸, 真奇怪.
- 鮮肉小籠包: 同意樓下 elmotoro 所講, 皮夠薄, 但頂部麵粉太多, 食落好硬... 可幸湯汁夠多, 如果再熱 d 就好了.
- 東坡肉: 好入味咁款, 賣相唔錯... 肥肉好香, 入口即溶, 好正! 瘦肉部分亦唔韌, 質感鬆化, 好食; d 汁就最正, 用0黎送白飯的話, 我相信我可以獨食兩碗! =P
- 回鍋肉: 份量比較少, 而且 d 汁油得嚇人, 不過既然食得上海0野, 濃油赤醬在所難免... 豬肉薄切, 食落爽身, 配上辣辣0地的汁, 都 ok.
- 津白肉絲炒年糕: 因為 menu 上寫的其實係「雪菜肉絲炒年糕」, 大家食0左先發覺應該係0黎錯的 @_@", 不過既然味道唔差, 都費事叫佢換了. d 汁係平日食開的「粗炒」汁, 年糕煙煙韌韌, 津白爽脆, 肉絲夠腍亦比較梳打, 加加埋埋都 ok 啦. 如果碟0野 serve 時再熱 d 應該會好食好多.
- 高力豆沙: 呢個唔錯, 熱辣辣好 fluffy, 供應的砂糖份量夠, 入面的豆沙夠甜又唔會太甜, 好食!
另加的京蔥牛柳絲炒粗麵則幾失敗, 唔夠熱唔夠鑊氣, 粗麵唔上色, 食落淡得很, 十足隔夜的住家式炒烏冬, 唔掂.
環境唔錯, 我0地坐了大卡位, 闊落又幾好坐; 招呼亦不過不失.
埋單約 $57 一個頭, 銅鑼灣0黎講算好平, 可以一試的. 不過比預期中無咁好食 (特別係小籠包), 如果要排隊先有得食, 就咪搞了.
張貼
