影片
更多
2017-10-20
2037 瀏覽
自己唔係特別鐘意食傳統月餅嘅人，舊日年紀小，仲有喺家中過節嘅習慣，總會被親朋戚友叫到食一兩件。而家冇再回家過節，自然較少機會接觸月餅，慶幸嘅係除左傳統月餅，都多左好多花款，口味亦都愈黎愈多，既有冰皮，又有蛋糕月餅、雪糕月餅、流心奶皇月餅云云，將傳統口味變得新潮，恍如食甜品一樣。如此一來，即使唔係月餅控，但作為甜品控，都覺得甚為吸引。而且好多品牌都係包裝上花過唔少功夫，最少食月餅呢件事，一啲都唔老土。今年都食過好幾款月餅，大部分都係朋友請我地食的，以某咖啡店推出嘅最為特別，既有得食，食完又有得玩下。Pierre Hermé呢個品牌，早已聽聞過佢地嘅馬卡龍很有名，一直未有機會食過，因為男朋友並不嗜甜。臨近中秋，同朋友講起月餅嘅話題，佢話去年試過呢個品牌嘅朱古力月餅，覺得味道很好，邀請我地同佢一齊分享，送我地一盒。既然有機會一試，我當然樂意接受不拒絕我地相約喺圓方分店pick up月餅，然後搵左個位置試下。店內都展示左品牌各款嘅月餅禮盒，分別有我地試嘅四款口味，亦都有一盒係搭配花茶、果香茶，另有八件裝禮盒同可以自選組合，定價$390/$750/$760/$1488，包裝精美簡約，盒身厚硬，襯
Pierre Hermé呢個品牌，早已聽聞過佢地嘅馬卡龍很有名，一直未有機會食過，因為男朋友並不嗜甜。臨近中秋，同朋友講起月餅嘅話題，佢話去年試過呢個品牌嘅朱古力月餅，覺得味道很好，邀請我地同佢一齊分享，送我地一盒。既然有機會一試，我當然樂意接受不拒絕
我地相約喺圓方分店pick up月餅，然後搵左個位置試下。店內都展示左品牌各款嘅月餅禮盒，分別有我地試嘅四款口味，亦都有一盒係搭配花茶、果香茶，另有八件裝禮盒同可以自選組合，定價$390/$750/$760/$1488，包裝精美簡約，盒身厚硬，襯金印上品牌名字，確係同一般嘅連鎖品牌有別，用作送禮都相當得體旁邊嘅馬卡龍都好吸引，色彩繽紛。
Box of 4 Mooncakes $390
一盒四件，屬於蛋糕月餅，分別有紅莓荔枝果醬玫瑰、馬達加斯加雲呢拿、柚子粒抹茶、香滑榛子墨西哥純黑朱古力四款口味。傳統月餅同冰皮以外嘅選擇，因為呢款嚴格黎講係蛋糕，做成月餅模樣而已。四款唔同顏色，輕鬆分辨各款口味，好似見到甜品一樣，心情大好，面頭嘅圖案驟眼睇，感覺月有陰情圓缺，加入個人幻想後，成件事更加浪漫
我地將月餅分成四小件，逐個口味試，可能因為有一層朱古力嘅關係，感覺有點不好切開，好在我地都已經為月餅影過寫真。
如果在家品嚐，實在非常建議配上一壺熱茶（不管是不是品牌的），相信感覺會更好，畢竟蛋糕月餅有一定甜度，熱茶可作平衡。
由馬達加斯加雲呢拿口味食起，啊，原來確係蛋糕嘅口感，雲呢拿味道特出，仲食到雲呢拿籽，帶點果仁嘅口感，甜度可以接受。
蛋糕都係鬆軟嘅質地，亦都唔會乾口，質素不俗
紅莓荔枝果醬口味則相信女士會較為喜愛，又或者係嗜甜人士之選，個人認為呢款係四件中，甜度最高的，連我呢個甜品控都有少少受不了。
用上紅莓、荔枝製成，本以為味道酸酸甜甜，比較清新，但顯然呢顆是做得比較甜膩，就好似一次過放左幾粒馬卡龍入口般。
當下心諗，如果有杯熱茶，相信會更加易接受。
柚子粒抹茶口味係當中比較特別，個人未有試過呢種組合嘅甜品。抹茶味道比想像中還是弱了一點，但慶幸呢款嘅甜度唔高，至少我食半顆是絕對冇問題的。蛋糕中加入左柚子粒，味道清新之餘又增添左口感，畢竟光食蛋糕都會覺得有點單調。不過柚子味道較為突出，有點蓋過抹茶之嫌。
來到最後嘅係香滑榛子墨西哥純黑朱古力口味，我非常鐘意食榛子朱古力，品牌配上墨西哥純黑朱古力，可以降低甜度之餘，又可以提升味道，令整件蛋糕唔會食落有廉價感覺。朋友話去年佢就係食過品牌嘅朱古力就喜歡上了，所以我都相當期待。純黑朱古力並非個個接受到，加入榛子作為平衡，甜度適中，榛子朱古力味濃厚，作為最後一件，十分滿足。
感激朋友喺中秋節日，想起我地，雖然短聚片刻，但都覺得好窩心。
張貼
