影片
更多
2012-12-27
97 瀏覽
今日係Boxing day, 唔使返工返學當然就瞓晏啲啦. 嚟到11:30, 唔想搭枱所以要等, 等咗15分鐘左右, 就有一張卡位, 因我哋唔係第一次嚟, 得知坐卡位茶錢會貴啲. 老公就問帶位果個西裝友(應該係經理)--坐卡位茶錢會貴幾多, 點知西裝友唔啋佢, 老公再大聲問, 西裝友先勁悔氣話貴$1.00, 咁你坐唔坐吖? 本來多幾蚊唔係問題, 但身為經理, 茶錢唔一樣, 係咪應該主動話比客人知呢, 而家客人問到, 佢仲咋聽唔到又串串貢. 老公火都嚟, 就話-我要坐返普通啲枱. 西裝友竟然唔出聲, 手指向門口, 示意搵門口知客攪. 嘩! 咩態度呀! 勁差囉!叫咗個點心粉麵套餐 $75.00:--一碟炒粉麵飯+兩款點心+一碟菜. 另叫一籠流沙包 (百厭仔至愛) 星洲炒米--炒得夠乾身, 唔係太辣, 正! 焯娃娃菜--OK 燒賣--唔太鬆散, 味道唔錯. 正! 鯪魚球--唔錯 流沙包--包身鬆軟, 一咬就有大量"流沙"湧出, 為免"辣親", 一定要小心慢慢食 茶錢$6.00一位, 連加一. 埋單$112.00
叫咗個點心粉麵套餐 $75.00:--一碟炒粉麵飯+兩款點心+一碟菜. 另叫一籠流沙包 (百厭仔至愛)
星洲炒米--炒得夠乾身, 唔係太辣, 正!
焯娃娃菜--OK
燒賣--唔太鬆散, 味道唔錯. 正!
鯪魚球--唔錯
流沙包--包身鬆軟, 一咬就有大量"流沙"湧出, 為免"辣親", 一定要小心慢慢食
茶錢$6.00一位, 連加一. 埋單$112.00
題外話/補充資料：
我一路影相一路諗, 真係想比個喊評架. 多得個態度勁差嘅男經理囉. 但好在其他伙計無學到個經理啲衰嘢, 連捧點心嘅阿姐都笑面迎人, 多謝前多謝後. 咁應該公平啲, 無理由一個衰經理影響晒個評級架. 況且呢間酒樓嘅食物品質係唔錯. 算! 大方啲, 比個笑評啦! :)
(以上食評乃用戶個人意見 , 並不代表OpenRice之觀點。)
張貼
