Springtime (已搬遷) 新店位置

新界牛快要變成柴灣人，呢區既美食都有少少令我有開始有少少喜歡呢區，意想不到呢！聖誕過後既中午，同朋友想過黎試試新野！呢度既裝修係美式工業風，加上工廠大廈樓底高，地方大，坐得真係幾舒服！可能大家係聖誕狂歡，呢度既人唔係好多，仲更加覺得正，靜靜地食個飯！哈哈哈！呢度食物選擇都幾多，岩我口味 ，有選擇困難症既我都算易揀！黑松露什菌意大利飯 賣相OK，都有好大陣黑松露味，米飯軟硬適中。黑松露牛肉漢堡 黎多個close up先，中間既漢堡扒十分多肉汁，但可怕肉味就偏淡。蘑菇湯 兩啖飲完，都算香濃。柴灣區黎講呢間野都算幾貴，不過一次半次，還可以吧。