Brass Spoon (已易手)

得知灣仔月街一號,食越南河粉的Brass Spoon剛得到米芝蓮一星，又見到做fitness的一位食家小姐去左品嘗過，當然極有興趣去試過究竟。剛好在平日碰到唔使排隊的機會，咪同個同事過來試下先。在門口排左一陣，佢d牛肉湯底和味已經一陣一陣咁撲過來，大有未食先流口水地步。放眼一看餐廳內，只得幾十個位，有bar位添。其實都無所謂，食越南河粉又唔會食你一兩個鐘頭，室內衞生乾淨便可以，Brass Spoon已達到要求。我地每人叫左個特級生牛肉粉、一杯青檸梳打，一齊share個蒸粉巻。河粉到，當然先飲個湯。嘩！靚湯底最緊要濃而清。湯底濃味唔難，最難係要清到見底。Brass Spoon做到了。牛肉鮮而不靱，河粉爽而有咬口，好。加埋佢自家調校的醋汁和少少新鮮青檸汁，味道更多layers，更立體化。唯一美中不足係唔夠多洋蔥、蔥和芫茜，雖然我地已經寫左要多份量。青檸梳打一般，雖然本身凍，可惜沒有冰，一會兒便變回室溫，呢到要改善下。不過，個蒸粉巻就好好。本身粉巻無太大味道，但裏面包含的肉所帶岀嚟的配搭，把肉的香味保留，肉的濃味溫和，更加上粉巻的黏韌性，一流！之前睇過張order紙，記得仲有其他嘢可以追加，