影片
更多
2015-04-11
4107 瀏覽
舊同事食飯，Mimi姐講明要食呢間，3月頭已訂定位。老闆一貫作風拎私伙酒早到開埋透定氣，無賴哥今次居然冇遲到，我去到嗰陣插畫家都到埋，美人C則因公姍姍來遲。嚟呢度之前睇咗餐牌，基本上都知咩嚟。雖然啲名起得好有詩意，但啲中英文標點唔syn、每道菜最後到底有冇標點唔consistent，店方都似乎搞唔清，我睇落覺得好礙眼。由於本人都係做廣告出身，舊老闆响行內薄有名氣，要求非常嚴格，呢啲咁嘅細節位非常注重－唔係淨係Copywriting，Creative擺layout嘅時候都會執，Account Servicing更加要睇咗先比客。仲要比email都稱呼錯個客… 未食已搵到兩個錯處，唔想講嘢。講番嘢食。(1) A slow cooked Japanese egg wrapped in bean curd sheet pocket, on the top of selected spring greens (bamboo shoot and "Ma Lan Tou") from Shanghai － 2/5分隻溫泉蛋同伴碟啲筍、馬蘭頭、紫菜碎，撈埋同分開食，其實分別唔太大，只係隻溫泉蛋放入福袋
嚟呢度之前睇咗餐牌，基本上都知咩嚟。雖然啲名起得好有詩意，但啲中英文標點唔syn、每道菜最後到底有冇標點唔consistent，店方都似乎搞唔清，我睇落覺得好礙眼。由於本人都係做廣告出身，舊老闆响行內薄有名氣，要求非常嚴格，呢啲咁嘅細節位非常注重－唔係淨係Copywriting，Creative擺layout嘅時候都會執，Account Servicing更加要睇咗先比客。仲要比email都稱呼錯個客… 未食已搵到兩個錯處，唔想講嘢。
講番嘢食。
(1) A slow cooked Japanese egg wrapped in bean curd sheet pocket, on the top of selected spring greens (bamboo shoot and "Ma Lan Tou") from Shanghai － 2/5分
隻溫泉蛋同伴碟啲筍、馬蘭頭、紫菜碎，撈埋同分開食，其實分別唔太大，只係隻溫泉蛋放入福袋較特別。求其舉例，The Principal、EPURE、MIC Kitchen等都好味過佢，啲嘢撈埋係會有synergy效果，口感各異層次突出。
(2) Deep fried hairly crab meat taro dumpling with cucumber and italian tomato － 2/5分
個人最愛煎炸香口嘢，如果飲茶有炸芋角一定叫。估計要擺位嘅關係，上嚟嗰陣唔係最熱燙，炸芋角嘅芋蓉夠滑但未夠軟偏實，食得出有蟹粉，但明顯唔係當造時節，冇咗鮮活嗰種味道。反而底下嘅青瓜絲、蕃茄配嘅醋就幾好。不過上下兩嚿又係夾硬放埋一齊。
(3) Long jing tea and chicken broth with iberico ham, konjac in tofu skin wrap － 4.5/5分
呢味嘅雞清湯，富雞味、淡淡蔘味及龍井茶味，味道調和順滑，偶然嘅茶葉澀味帶來點點不調和幾特別。中間兩嚿腐皮包住蒟蒻同埋Serrano ham (介紹嗰陣聽到係Serrano，但餐單係Iberico，浸咗湯我分唔到，但睇其他食評呢度應是中法、中意混合為主)都幾聰明：如果用上海南方嘅浙江金華火腿，雖然傳神，但首先要處理咗令佢冇咁濃重味，而且容易嚡，而家用Serrano ham，就將中日意法混埋一齊。味道同彈牙口感都幾配合幾好。同我最愛嘅 法國餐廳La Saison by Jacques Barnachon嘅雞清湯可以較勁下。
(4) Slow braised beef shank with onion and pumpkin wonton － 4/5分
牛腩係好腍又夠牛味，啲汁唔會搶咗肉味，但個人認為肉類有番少少咬口會好啲。雲吞包住洋蔥粒帶微辛、軟滑南瓜蓉都幾夾。店方提供嘅辣椒醬偏甜，點咗冇乜提升，唔點仲食到原味。兩樣唔可以話好夾，但至少冇頭兩道菜咁分離。
(5) Braised sea cucumber with shrimp paste and topped with deep fried ginger julienne and Sergestid Shrimp. Underneath is the potato gratin with seaweed butter sauce which looks like layers of rock. － 3/5分
半西式融合菜煮海參，純粹博下。店方比另一個選擇係北海道帶子，但我覺得帶子自己識買靚貨，實好味道，因我個人煮半生熟海鮮都幾拿手。海參嘅口感夠軟腍，肉都夠厚身，冇石灰等怪味，如果係自己泡發都算唔錯。食落帶淡淡蝦膏味，配埋炸過嘅薑絲幾好，兩件事都算夾到，味道唔錯。海參本身味道好單薄，適合濃味煮法，所以呢度未有好大驚喜。但我覺得質感稍腍咗，可以彈番啲，不過呢樣同品種、煮法兩樣都有關，我屋企自己成日發鮑參翅肚好明白。配菜嘅薯仔蓉，擺明西嘢，好香忌廉味又滑，但同嚿海參又係分割咗。而且如果講賣相，又唔係文字寫得咁似一層層嘅石頭。其實可以諗下用啲竹碳粉、墨魚汁等令到有啲顏色上深淺黑灰白變化，而且薯仔嘅可塑性好高，要神似石頭應該可做到－我响另一啲玩fusion嘅餐廳見識過。
(6) Chestnut puree with deep fried tofu skin － 4/5分
炸腐皮幾脆又夠熱，雖然我唔鍾意栗子，但點住啲磨得幼滑嘅栗子蓉，都幾好，而且明顯冇落嘢加甜，食咗都唔膩口，兩樣好夾。
(7) Ginger Souffle － 3/5分
唔鍾意食甜嘢嘅我，對甜品係有好高要求嘅。梳芙厘高高聳立，表皮焦脆，而內裡鬆鬆綿綿，聞落有奶香，接觸舌尖瞬即融化，可惜留下只有甜味及薑味，啲奶味唔見哂。
呢度嘢食只可以話比平常好味，個別菜式幾標青，但普遍平凡冇乜驚喜。叫得fusion融合菜，啲材料要“融和”先有扣人心弦嘅驚艷。否則不如去食自助餐－講白啲即無烹調，純粹瞎七撘八咁將啲嘢食放埋一碟，而我放自助餐嘢食响碟係擺得好靚嘅，呢度啲plating部分靚，有啲尤其最後嘅梳芙厘就hea咗啲。餐牌寫住“滬味兒裡賞洋風景”，我只覺得餐廳門外的大千世界風光無限美好，更加賞心悅目。
仲有上菜速度有好大進步空間。頭4道菜相隔約10-15分鐘、4/5道菜相隔35分鐘、5/6道菜相隔45分鐘，最後兩道甜品相隔10分鐘送上。即整頓飯用了2小時20分上7道菜－同樣係私房菜Secrettaste，7道菜用了兩小時內上畢，因全店只一人身兼大廚及侍應，但時間拿捏卻很好，冇乜冷場。畢竟香港人不慣慢食，而且同行其中友人家中有初生兒不能待久，較早前已向店方表明需離座時間，結果嗜甜友人未能嚐到最後兩道甜品。我試過去5星酒店食鐵板燒，因為下晝趕住開會，要求店方一個鐘頭內完成，同樣做到。兩個極端例子有one man band solo 嘅店仔同人資豐富嘅酒店，都可達到客人要求。呢度唔得，我諗唔到理由/藉口。
而且店內通風極差，食緊嗰陣已覺嗆鼻，食完出嚟全身由頭到腳衫褲鞋袋都係油煙味。
不過以上五大問題無損是晚大家興高采烈咁喧嘩吵鬧，而且仲飲咗幾支唔同風格嘅二級、三級酒庄紅酒、意大利白酒，仲約埋下次食飯開1975 Palmer！
張貼
