兄弟工房 (已結業)

今日為左探朋友而遠赴石門。作為港島人真係好少機會去新界，之前去過石門一次，結果食左餐出色既西餐。正所謂Weekends are for brunch，我地一去到石門先食過Brunch先，今次選擇左兄弟工房。餐廳一共八款brunch，價錢可以接受，而且充滿多樣性。Brunch既餐湯係雜菌忌廉湯。- 明太子忌廉汁炸蝦意大利粉明太子味好突出，洋蔥帶點辣味，味道層次更豐富，炸蝦一共三大條，金黃酥脆。- 班尼迪蛋配菠菜煙三文魚荷蘭醬質感滑溜，唔會太稠。水煮蛋形狀幾圓渾，一切開水煮蛋未算太流心。餐廳以菠菜代替傳統煙肉，帶點小清新！Brunch送埋飲品，我同好朋友分别選擇熱咖啡同冰橙茶。橙茶有驚喜，茶味幾香，入面有一兩片橙，大家仲可以食埋啲橙肉添！