影片
更多
2017-03-19
3127 瀏覽
由於要補番阿仔生日病左嘅晚餐， 所以上星期頭就早早book咗 seasons by olivier e 嘅brunch。未食之前，都有睇呢度有關呢個brunch嘅食評。到而家食完之後， 我都可以寫啲感覺出黎。而家食嘢，味道 係我考慮嘅第一位、第二係價錢、第三就係服務態度。 首先講味道， 所有頭盤都有番咁上下水準，尤其係生牛肉片( 真係好食到想爆粗， 牛油果龍蝦啫喱 (呢個 牛油果龍蝦啫喱 ，係我每次去食lunch嘅必點頭盤 ，今日brunch嘅時段，size細咗但味道仍然保持著咁好:，我個大食仔都食咗成 6杯) ， 其他頭盤重有牛肉他他同一個好似叫燻香吞拿魚都相當美味,。海鮮方面 :龍蝦、長腳蟹腳、同生蠔 ，都食得出係新鮮、鮮甜， 但凍蝦則稍微遜色。跟住到叫做第一項主菜 egg any style 我哋分別揀咗63度 水煮蛋同埋煎太陽蛋， 你亦都可以揀奄列或者炒蛋 伴碟有車厘茄、薯餅。而食到呢度已經飽咗一半有多， 但係仲有主菜同甜品未食！！！ 食完蛋之後，我哋就嚟埋個主菜 我揀 燒西冷牛扒 我揀咗七成熟，(感覺有少少過龍，相信五成熟係最perfect)， 老婆揀 黃油雞( 呢個黃油雞有
而家食嘢，味道 係我考慮嘅第一位、第二係價錢、第三就係服務態度。 首先講味道， 所有頭盤都有番咁上下水準，尤其係生牛肉片( 真係好食到想爆粗， 牛油果龍蝦啫喱 (呢個 牛油果龍蝦啫喱 ，係我每次去食lunch嘅必點頭盤 ，今日brunch嘅時段，size細咗但味道仍然保持著咁好:，我個大食仔都食咗成 6杯) ， 其他頭盤重有牛肉他他同一個好似叫燻香吞拿魚都相當美味,。海鮮方面 :龍蝦、長腳蟹腳、同生蠔 ，都食得出係新鮮、鮮甜， 但凍蝦則稍微遜色。跟住到叫做第一項主菜 egg any style 我哋分別揀咗63度 水煮蛋同埋煎太陽蛋， 你亦都可以揀奄列或者炒蛋 伴碟有車厘茄、薯餅。而食到呢度已經飽咗一半有多， 但係仲有主菜同甜品未食！！！ 食完蛋之後，我哋就嚟埋個主菜 我揀 燒西冷牛扒 我揀咗七成熟，(感覺有少少過龍，相信五成熟係最perfect)， 老婆揀 黃油雞( 呢個黃油雞有驚喜 嫩滑又香， 大食仔揀 銀鱈魚( 白雪雪 滑捋捋) ， 食完主菜我都已經頂到上心口,但係點都要試埋甜品 ， 我將甜品區所有甜品都全部攞返埋枱食， 其中尤以法式燉蛋、 黑朱古力慕士蛋糕， 千層酥 、草莓慕斯+蛋白脆餅， 同即整嘅朱古力雞蛋仔，令我最有深刻印象。 食完甜品之後，我個肚都冇位再擺埋啲生果落去喇， 但我老婆就有食生果， 可能因為食得太飽嘅關係 ，佢就話味道只系一般。 由於我同我老婆都加咗128蚊任飲紅酒同白酒，雖然紅酒同白酒都唔係話好靚嗰啲 ，但係都尚算ok， 而值得讚嘅就係當你飲完杯酒之後， 都需要自己出去Wine &Beer Bar度再斟， 由於我地陶醉於美食中， Waiter 佢自動波幫你refill返紅白酒 ，呢一點都算係貼心。
總括嚟講 ，我哋全家都好滿意呢個brunch， 無論食物同服務 都同價錢成正比， 有機會都會再:。
張貼