반찬앤쿡 Banchan and Cook (東薈城名店倉)

營業中

休息中

放假去東薈城outlet買嘢，發現商場周圍都係BT 21嘅打卡位😍😍 勁靚勁可愛😍 發現原來Banchan & Cook都同東薈城有個聯乘活動，推出BT21 Magic Recipe: A taste of Love嘅活動🥰 有三款以魔法為主題嘅食物同飲品😍 成間舖頭打造成魔法主題餐館👏👏 又夢幻又可愛🥰🫶🏻 🌟芝士炸豬扒魔法蛋包飯呢間餐廳不嬲出名食蛋包飯，今次呢一個特別版嘅蛋包飯賣相勁可愛😍 芝士流心炸豬扒好香脆👍 流心芝士令到味道更濃郁🫶🏻 呢度嘅滑蛋出名蛋香濃又夠滑，配埋香濃嘅咖喱汁，好幸福🥰🌟巴馬火腿卡邦尼年糕呢個卡邦尼年糕真係好好食😍佢同平時食開嘅韓式年糕唔同，係幼長條型，口感更加煙靭👏 而且非常掛汁🫶🏻 撈埋半熟蛋一齊食，更加香滑🫶🏻巴拿火腿增添鹹香味，成個配搭冇得輸👍🌟朱古力魔法甜點朱古力控一定會好鍾意😌 有朱古力忌廉卷蛋，朱古力味超級香濃，忌廉幼滑🫶🏻 仲有呢度出名嘅牛角包窩夫，外脆內軟，加上朱古力粉同朱古力cream，口感豐富🫶🏻🌟魔幻星空蝶豆花蘇打蝶豆花做出嚟嘅藍色漸變好靚好夢幻🥰 好啱打卡🫶🏻 🌟溶化朱古力 (凍)濃濃朱古力味，又香又甜，鍾意朱古力嘅朋友一定要試🫶