潮食街 (已結業)

朋友琴日由台灣黎香港玩於是特登佢住酒店度探佢佢話住係新蒲崗佢唔講我都唔知新蒲崗有酒店而且同普通的酒店裝修好唔同餐廳旁就正正係登記入住大堂果度放左張桌球檯比客人玩同埋附近有遊戲室兩部電腦咁多野玩，住係度朋友都應該住得幾開心餐廳環境寬敞，野食夠多其中即開生蠔同刺身都要特別排隊拎怪不得佢刺身要排隊拎因為個三文魚刺身十分肥美入口即融，即使要排隊都甘願排多幾次豬扒包又係值得推介通常食到的豬扒包個包都會較韌但依度食到的係較軟身搽左牛油再連埋豬扒一齊食，好好味甜品方面都好多選擇雪糕用Häagen Dazs之餘糖果果度有山渣餅拎平時自助餐好少見到我就揀左依幾樣試下特別推介個玫瑰奶凍（粉紅色果個）食落好香玫瑰味而且同奶凍味道好夾奶凍都好滑身估唔到工廠地方都有咁特別既酒店仲要由個台灣朋友介紹番下次到我介紹番比其他朋友先