IS Café (已結業)

被限聚令餓左咁耐，終於等到放寬的一日，可以四人飯聚。約埋另一對相熟的夫婦，一行四人浩浩蕩蕩地享受美食去。我哋揀咗位於香港仔的南灣如心酒店，貪呢度唔算旺區，人流冇咁密集。而且酒店食飯，衛生環境等等都有保障。一入門口已經令人感覺好舒適。入內果然好闊落，環境好舒適。我哋好好彩可以有一個私人嘅獨立空間，可以好放心又舒服咁傾計。酒店防疫措施都做得幾足，每台都有消毒濕紙巾同埋一支全新的搓手液。至於放啲食物的區域，每個取食物嘅人都有帶口罩，令佢更放心。而且每一樣食物都有蓋遮好，感覺上衛生一點。行咗一圈，整體而言，食物的選擇都多元化，各國美食都有。最受大家矚目的海鮮盤，沒有驚艷，但都有齊基本元素。令一邊係廚師即席炮製嘅美食，除咗有日式壽司刺身之外，亦有炸天婦羅同埋燒烤區域。我好鍾意即席做的炸天婦羅，唔會有油膩嘅感覺。飲品的選擇都有好多。有一樣令我印象深刻的是呢度都有唔少地道的特色小食，幾有心思。我最鍾意煮溶化的豬手，而最驚喜就係咖喱特大魚蛋。至於主菜，可以揀花膠扣鵝掌或者開邊焗龍蝦，我同老公就決定一人揀一款，可以試晒兩種滋味。兩樣嘢來講，我比較鍾意花膠，入哂味。最後甜品環節，選擇都頗多，但胃部空間有限