Bunphant Coffee (已結業)

蛋糕網店bunphant cake上兩個月喺炮台山開咗間cafe，純白簡約嘅風格帶啲韓國咖啡店feel，落地玻璃透進陽光，午後到訪時感覺格外愜意。除左蛋糕之外，亦有主食同特飲，最吸引嘅當然係開心果奶同埋蛋糕，開心果迷必須收藏！𖦹 開心果軟心芝士蛋糕 $65芝士蛋糕極為creamy，質地偏軟呈半流心狀，開心果同芝士味平衡得宜。𖦹 開心果特調奶 $55面層係香濃既奶蓋加上開心果碎，杯邊沾滿開心果醬，牛奶比例恰到好處，撈勻一齊飲非常滿足，開心果味突出。𖦹 芝士吐司盒配蒜蓉包條 $108等左20分鐘，熱辣辣、金黃色既吐司盒子終於上枱了～盒內嘅芝士醬以mozzarella、cheddar兩款芝士製成，味道濃郁，充滿鹹香，用香噴噴既蒜蓉包條點黎食，好邪惡！記得儘快食用，否則芝士硬左就唔好味啦。 𖦹 鮮熬魚湯泡雙米配帶子、蝦、青口及日本鱈場蟹蟹肉 $158cafe竟然有湯飯食？？？是的！以鮮熬魚湯配上多款海鮮，帶子彈牙，蟹肉鮮甜，白飯仲巧妙地混入左脆米，口感豐富。