影片
更多
2023-02-26
443 瀏覽
Happy Friday下揀咗新開張嘅韓國餐廳，距離地鐵站5分鐘路程，位於尖沙咀旺區當眼處，易搵。-餐廳分兩個範圍，一邊甜品，另一邊小食，白色招牌，淺色設計，環境光猛，開放式廚房，餐廳內外都可以見到各款小食、甜品。座位少，位與位之間狹窄，唔舒服。冇訂座，唔使等位，入座率95%。餐具污糟，明顯見到污跡，需自行清潔。-店員非香港人，態度冷淡，需用英文落單，餐廳係點餐處點餐後自取，餐牌配搭多，包括韓國前菜、小食、主食、套餐、甜品。C餐 $219套餐有半隻炸雞、辣年糕（小）、魚餅、餃子兩隻、炸蝦（另可選冬粉海苔卷/魷魚/牛奶冰）-半隻韓式辣炸雞炸雞係有骨炸雞，冇得揀無骨炸雞，雞件大小適中，辣醬帶甜，濃，辣度適中，炸粉厚薄適中，脆，冇雞味。-魚餅似關東煮，湯中有魚餅、丸、魚卷、份量正常，湯帶薑味，淡。魚餅口感偏腍，魚卷同魚餅味道一樣，正常，冇食丸。-辣年糕（小）辣年糕有雞蛋、魚餅，份量正常，年糕冇嚼勁，腍，似食麵粉，辣醬辣度適中，帶怪味，帶輕微藥材味。-餃子炸餃子帶臭味，咬開餡料發臭，呈糊狀質感，帶苦，好難食。-炸蝦冇食，友人話好普通。-整體而言，唔止係尖沙咀區最難食嘅韓國菜，簡直係未食過咁難食
-
餐廳分兩個範圍，一邊甜品，另一邊小食，白色招牌，淺色設計，環境光猛，開放式廚房，餐廳內外都可以見到各款小食、甜品。座位少，位與位之間狹窄，唔舒服。冇訂座，唔使等位，入座率95%。餐具污糟，明顯見到污跡，需自行清潔。
-
店員非香港人，態度冷淡，需用英文落單，餐廳係點餐處點餐後自取，餐牌配搭多，包括韓國前菜、小食、主食、套餐、甜品。
C餐 $219
套餐有半隻炸雞、辣年糕（小）、魚餅、餃子兩隻、炸蝦（另可選冬粉海苔卷/魷魚/牛奶冰）
-
半隻韓式辣炸雞
炸雞係有骨炸雞，冇得揀無骨炸雞，雞件大小適中，辣醬帶甜，濃，辣度適中，炸粉厚薄適中，脆，冇雞味。
-
魚餅
似關東煮，湯中有魚餅、丸、魚卷、份量正常，湯帶薑味，淡。魚餅口感偏腍，魚卷同魚餅味道一樣，正常，冇食丸。
-
辣年糕（小）
辣年糕有雞蛋、魚餅，份量正常，年糕冇嚼勁，腍，似食麵粉，辣醬辣度適中，帶怪味，帶輕微藥材味。
-
餃子
炸餃子帶臭味，咬開餡料發臭，呈糊狀質感，帶苦，好難食。
-
炸蝦
冇食，友人話好普通。
-
整體而言，唔止係尖沙咀區最難食嘅韓國菜，簡直係未食過咁難食嘅韓國菜，全部嘢得炸雞正常，餃子更加係災難級難食，大癲！
-
有時覺得味道一般嘅餐廳都仲可以嚟多次試吓食其他嘢，呢間真係可一不可再，已經唔關價錢事，請都唔再去！
張貼
