影片
更多
2010-07-09
63 瀏覽
4-7-2010唔講唔知, 原來阿媽好鍾意呢間 buono nuobo, 是日竟然提議到樂富新 UNY 的分店食 dinner 對心太軟印象不錯 (http://www.openrice.com/restaurant/commentdetail.htm?commentid=1941036), 其他嘢就完全未食過, 不過呢度始終係 Pokka Cafe 開出來的, 嚟之前都唔抱太大期望 (點解: http://www.openrice.com/restaurant/commentdetail.htm?commentid=2075932); 亦好在無乜期望的來, 亦無乜失望的離開:-叫了一碟 pasta 獨食, 好似叫咩「忌廉汁蜆肉扁意粉」: linguine 雖然唔係 "al dente", 不過食落滑溜又幾有咬口, 一貫日式意粉 style, 都不錯; 蜆仔份量不少, 食落唔算好鮮甜, 不過比預期中嫩滑得多了, 算係咁; 不過「忌廉汁」水汪汪到呢 , 叫「淡味牛奶湯」會比較貼切. 其他配料仲有少量菠菜及「刨」落去的 Parmesan 芝士, 不過各自各又唔多精彩, 幫助不大.屋
唔講唔知, 原來阿媽好鍾意呢間 buono nuobo, 是日竟然提議到樂富新 UNY 的分店食 dinner 對心太軟印象不錯 (http://www.openrice.com/restaurant/commentdetail.htm?commentid=1941036), 其他嘢就完全未食過, 不過呢度始終係 Pokka Cafe 開出來的, 嚟之前都唔抱太大期望 (點解: http://www.openrice.com/restaurant/commentdetail.htm?commentid=2075932); 亦好在無乜期望的來, 亦無乜失望的離開:-
叫了一碟 pasta 獨食, 好似叫咩「忌廉汁蜆肉扁意粉」: linguine 雖然唔係 "al dente", 不過食落滑溜又幾有咬口, 一貫日式意粉 style, 都不錯; 蜆仔份量不少, 食落唔算好鮮甜, 不過比預期中嫩滑得多了, 算係咁; 不過「忌廉汁」水汪汪到呢 , 叫「淡味牛奶湯」會比較貼切. 其他配料仲有少量菠菜及「刨」落去的 Parmesan 芝士, 不過各自各又唔多精彩, 幫助不大.
屋企人就叫了個鱈場蟹 pizza,「石燒鮮蝦帆立貝墨汁飯」及一個牛扒 + 雞扒的 set dinner share 食:-
石鍋飯 serve 時熱到噴晒煙 (見圖!), 聞落好香, 食落亦香口, 沾滿墨魚汁的飯粒濕潤得來又唔會軟撻撻, 食落夠香又幾鮮甜, 又幾好食; 蝦及帶子似係急凍貨色, 無試了, 不過屋企人好似都幾滿意, 最後亦清晒成鍋飯, 應該都不錯吧.
Pizza 餅底薄如 water biscuit, 邊位帶脆, 有餡喺面的部分就同預期中一樣較濕及「支撐唔住」, 食兩啖 pizza 就「解體」了 不過餡料芝味算香, 亦的確有實實在在又幾鮮甜的蟹肉, 平平哋算係咁吧.
Set dinner 可跟意粉, 亦有三文魚沙律, 忌廉蕃茄湯及飲品一杯, 不過賣相麻麻哋吸引, 最後亦全由細佬包辦, 唔知好唔好食?
甜品就 order 了一客荔枝 panna cotta 及 2 份 () chocolate pudding share 食... 前者賣相「一 pat pat」唔太討好, 不過食落幾有奶味亦有荔枝香, 都 ok 的; 而面頭的 3 粒嘢食落又似荔枝又似紅毛丹 , 但 in any event 當然係浸了糖水的罐頭貨色, 可以不理.
呢度的 chocolate pudding 係阿媽至愛, 呢日的亦做得不錯 -- 夠熱夠軟心 (其實唔明點解咁多人覺得「流」心先叫好食?), 蛋糕帶點濕潤, 朱古力味夠濃又香甜, 配上凍凍的 vanilla 雪糕, 又點會唔好食?
另散叫了一杯 Pokka Special Blend 咖啡 -- 夠香, 齋飲唔太苦但夠濃, 落糖落 cream 後就又香又滑, 幾喜歡.
食物比 Pokka 好少少, 不過配套就差得遠了, 店員們禮貌係有的, 不過搞亂了唔少 order 又有點雞手鴨腳, 新店關係未 settle down?
埋單每人約 $175, 自己未必會再來, 不過甜食 ok 的, 而且屋企人食得開心就得啦, 間中嚟吓都 ok 的.
張貼
