bs burger house (已搬遷) 新店位置

原本在德民街有一間Wings to Go，d漢堡包都唔錯，可惜已經執咗。見到新開咗bs Burger，就趁今個周末試吓。在紅磡區，舖面細細的食肆比目皆是，而bs是新店關係，就算舖面細，但都裝修得幾光猛。講番食物，餐牌好簡單，我們一行三人分別叫咗：招牌漢堡＋炸洋蔥圈＋罐裝忌廉照燒雞漢堡＋薯條＋罐裝可樂田園漢堡即叫即整，先來了飲品，然後炸洋蔥圈也上枱。數一數有五條，以$12一客來計，都算貴。雖然佢真係用洋蔥圈（不會像麥記用碎洋蔥調成漿再炸），但漿粉好厚吓，都吃唔到洋蔥味。當我們掃清後，照燒雞漢堡餐就來了。雞扒咬落有好多肉汁，不過照燒醬唔夠多。薯條就炸得太油，有些更燶咗。至於田園漢堡，都算好味。等到最後，招牌漢堡終於到了，味道都唔錯。總數加埋才$88，比Mos Burger平，也比麥記好食。但平心而論，我寧願去時新食，平好多又好食。