好日咖啡店 (已搬遷) 新店位置

聽朋友講呢間小店burger好好食，做運動前想食少少嘢就黎trytry～成間cafe感覺好cozy，不過食物絕對唔係hea，由於唔係好多職員，所以等食物上架都要時間。酥炸軟殼蟹自家製芒果莎莎漢堡配粗薯條 $148軟殼蟹成隻塞落漢堡度，雖然食起上來比較困難，但加埋甜甜地嘅醬汁一齊食，幾麻煩都值得一試！蟹炸得透切一咬就分離，依然食到佢嘅鮮味，因為沙律菜同蕃茄夠鮮同清新，唔會覺得佢好油膩，粒粒芒果粒係點睛位！佢呢個晚餐仲跟一個沙律，雖然話係跟餐沙律，但賣相精緻，沙律菜好新鮮，真係會索索聲，而且份量都幾多，兩個人share卓卓有餘，最好就係用黑醋汁，成件事清新好多。醃肉三式芝士焗粗薯條 $58芝士控睇到一定會發癲！咁多芝士！三款芝士撈勻咗，所以唔知邊款打邊款，但可以確定嘅係芝士係足料嘅，甚至乎多到壓淋薯條 薯條其實都唔算粗，勝在薯仔味夠香濃，亦都唔會好油。呢度D咖啡都好用心調配，叫一杯咖啡hea一個下午都唔錯。