Homy Cafe (已結業)

早排上華山（當然唔係論劍🤣），落山後，玩埋坪輋壁畫村，最後去到上水覓食，結果搵到呢間以漢堡包為主打嘅 cafe，當然要叫個自家芝士牛肉漢堡配薯條。對呢個 burger 印象最深刻嘅居然唔係塊漢堡扒而係配菜，因為入面嘅洋蔥實在太好食，微辣超甜；蕃茄都好正，又甜又 juicy，食得出好新鮮😍；至於主角漢堡扒其實都高汁，既厚身牛味亦濃，如果煎得稍為冇咁乾身就 perfect。黑松露忌廉雜菌意大利飯都算大碟，黑松露味頗突出，幾種菇菇好好味，意大利飯好 creamy，調味恰當，唯一係飯粒略嫌稍腍，口感爭咗少少。