Fratelli Restaurant (已結業)

放工同同事落觀塘工業區搵食，揀咗主打漢堡既樓上餐廳。店員斯文有禮，環境舒適衛生，最中意餐廳卡位，非常闊落，坐得好舒服，同朋友傾計一流。Fratelli Burger $138 (餐飲+$10)漢堡款式多，我地揀咗Fratelli Burger，配料有雙層安格斯牛肉+雙層車打芝士+煙肉+煎蛋+蕃茄+生菜，賣相一流，牛肉打成既漢堡扒很厚身，而且肉汁四溢，juicy又美味；跟碟既薯條，熱辣辣，外脆內軟，同朋友都好中意食，另外，漢堡可額外再加配料。黑松露雞肉什菌意大利飯 $78黑松露味超濃，黑松露控必點，啲飯軟硬適中，好食。白桃乳酸 $38睇樣都好吸引，有層次感，杯口吊住一舊桃肉，好甜，攪勻飲，夠汽又酸酸地，極之透心涼，配漢堡一流行! 溫馨提示：免加一，只收現金。