麥當勞

營業中

休息中

嚟咗黃大仙呢邊搵個朋友， 同過朋友食完個飯之後，唔知係咪啲嘢太多味精覺得好口渴，所以入咗麥當勞叫杯嘢飲坐低吹下水。朋友有張買一送一嘅卡，原來張卡都幾抵。1杯嘢飲嘅價錢有2杯野飲。我同佢都叫咗一杯新地樂，原來麥當勞嘅新地樂係可以揀唔同嘅汽水，例如可樂、芬達、雪碧等等。 我就叫左可樂，朋友叫左芬達。呢一杯嘅嘢飲充滿着童年味， 記得以前小朋友嘅時候好鍾意飲，因為一杯野滿足晒兩個願望，可以飲汽水又有得食雪糕。 杯新地樂好夠凍，雖然而家天氣轉涼，但今日我都覺得好熱飲一啖之後立即拎成個人凍晒， 汽水上面嘅雪糕都唔少，雲呢拿味嘅雪糕都係我最喜愛嘅味道之一。 麥當勞嘅雪糕吾係話好甜，雪糕加可樂真係一個好好嘅配搭。