81番 (已結業)

C+食評||享受一個人於旺角晚餐 - 81番 81 Ban Japanese Deli-- 話說星期四去完朗豪坊Beauty Avenue Event 得自己一條友 搵唔到飯腳想住食Food Court 不過Full晒一個人食又唔方便 準備離開之際見到81 Ban Japanese Deli 冇乜人有日式飯、意粉、意大利飯、鐵板餐、甜品等等 -- 價錢又唔貴 D套餐大約$65 ++ 所以決定一試 -- 叫左果濃滑卡邦尼汁煙肉意粉 + 兩塊丹麥包配可樂 盛惠$65 -- 餐廳以自助形式先Order再搵位 等機仔響 -- 小小一碟意粉 + 兩片包包其實想住$65都冇乜要求 但喜出望外配飲野可樂係罐裝 -- 先食配菜 - 麵包以為塊包包平平無奇 但勁鬆軟食落口感有少少似係丹麥卷味道就似排包 甜甜地 配埋碟上既Cream 狀牛油 好好味！ -- 到主菜 - 濃滑卡邦尼汁煙肉意粉 因為我慢慢嘆完塊包包先再食果粉凍左有少少硬左不過依然Juicy味道都夠香濃唔使額外加芝士粉都OK煙肉就大約10小塊左右 女士小小一碟剛剛好夠 男士可能未必夠 --ms.C幫襯果日既服務生 手腳勁快手 清潔枱面速度好快