Cafe Fabulous

營業中

休息中

疫情關係我決定同朋友買外賣去朋友家度食，朋友話好耐無食cafe突然好想食下就去左登打士廣場9樓既cafe度買外賣，餐廳好闊落，仲有tiffany blue同暗黑格調兩邊唔同既座位俾客人選擇，如果留响度食一定玩board game，唯有下次啦～我地叫左個二人set dinner，小食係黑松露薯條份量都幾多，黑松露醬好香松露味，主食揀左吞拿魚焗螺絲粉，啖啖吞拿魚肉，如果再多d汁會仲好d，另一款係咖哩吉烈炸豬扒飯，炸豬扒大大塊，好脆飲品：朋友揀左奶蓋白桃烏龍茶好大杯，奶蓋味重，不過唔係好夠茶味，淡左少少。另一杯維也納咖啡，呢杯好好飲，香滑咖啡味加上上面好邪惡既cream令到杯咖啡更滑。甜品係藍莓芝士蛋糕同newyork cheese cake，香濃芝士味，唔會過甜。