影片
更多
2018-01-12
4211 瀏覽
我係cafe控,都係一個吃貨,去過好多唔同既cafe,都係想搵一間比到homey feel既cafe 野好食,又好坐,又放鬆既地方。香港普遍既cafe都賣格調,賣"串咀",一杯咖啡都唔便架,品味咖啡可能serve既多係有錢人,對一般人態度好多時都好好麻麻,好冷漠。中上環既鋪頭好鍾意星期日唔開門或無啦啦星期一唔開門既,好多時仲要係咁行斜路,超過太平山街再向上去既cafe都去過,有間cafe響中山公園個邊又去過,行到去咩心情都無哂啦,去cafe就為左hea,唔係隔涉就叫有情調,行到身水身汗喘哂氣只會對餐廳既要求更高。 樓上cafe賣既係便,好坐,有d cafe sell gimmick ,預左係食景既,好多時小店咖啡仲要貴過連鎖,$5X一杯。咩意郵咖啡,旺角唐樓咖啡花花cafe等等,講番呢間野,位置算相當好搵,見到好靚既拉花同好多食物都好評而去(好多食物都麻麻),前幾日咁啱經過佢另一分店,其實2間距離不遠,(如果熟路沿擺花街,上到蘭芳園街市條橫街,行1,2條打直既就搵到嘉咸街,再向九記牛腩去就搵到第2間店喇)我見呢間分店既拉花更靚,所以揀左呢間試(靚既拉花實在太治癒,飲落啱口味更治癒!)曾
香港普遍既cafe都賣格調,賣"串咀",一杯咖啡都唔便架,品味咖啡可能serve既多係有錢人,對一般人態度好多時都好好麻麻,好冷漠。
中上環既鋪頭好鍾意星期日唔開門或無啦啦星期一唔開門既,好多時仲要係咁行斜路,超過太平山街再向上去既cafe都去過,有間cafe響中山公園個邊又去過,行到去咩心情都無哂啦,去cafe就為左hea,唔係隔涉就叫有情調,行到身水身汗喘哂氣只會對餐廳既要求更高。
樓上cafe賣既係便,好坐,有d cafe sell gimmick ,預左係食景既,好多時小店咖啡仲要貴過連鎖,$5X一杯。咩意郵咖啡,旺角唐樓咖啡花花cafe等等,
講番呢間野,位置算相當好搵,見到好靚既拉花同好多食物都好評而去(好多食物都麻麻),前幾日咁啱經過佢另一分店,其實2間距離不遠,(如果熟路沿擺花街,上到蘭芳園街市條橫街,行1,2條打直既就搵到嘉咸街,再向九記牛腩去就搵到第2間店喇)我見呢間分店既拉花更靚,所以揀左呢間試(靚既拉花實在太治癒,飲落啱口味更治癒!)
曾經去過一間中環樓上既cafe,沖著天鵝,玫瑰拉花去,但環境,服務,咖啡味道都只係好一般,
呢間環境簡單但幾自然舒服,雖然無乜打卡位,但幾好坐,店員都看似年輕,但都nice同pro.,好熟悉工作,唔係懶散,似一班追夢有心做好咖啡既人,好少cafe員工比到呢種用心既感覺,一般都係走型格,懶散,串,距離感大,好多小店更無服務可言。
佢咖啡豆有2隻,每個客人都會問你想揀邊隻,一隻nutty d(濃味d),一隻fruity d(甜d),曾經響佐敦一間小cafe飲過nutty 既咖啡都幾啱口味,又想飲濃味,所以揀左nutty個隻既cuppucino,好啱口味,都幾鍾意,個拉花好靚啦當然,夠濃但唔會苦澀/烘培過度既帶燶味(響尖沙咀碼頭新開打卡個間就有呢個feel ),,唔係有d好淡又好奶咁,有d咖啡因好重,
坐既時候店內人員一直練習學做拉花,剛巧隔離木台既係響紐西蘭回流都開cafe既客人都大讚佢地咖啡好飲,大家交流咖啡豆來源,原來來自日本顛覆我認識既日本咖啡味
綜合來說,覺得位置上,味道,用心,環境都好唔錯,唔係食景,都唔會都坐都無位坐,終於有一間唔駛咁難搵,就腳又有質素既cafe la ,會再去試其他咖啡同食物,支持用心小店!
純吃貨,cafe 控分享,並唔識分咩咖啡豆,咩成份,睇啱唔啱口味,同感覺cafe 既環境同coffee,
中上環比較impress既cafe 有 h 字頭既latte ,真係幾特別 ,有一間響大馬路上既有伯爵茶味越順喉既coffee,仲有來自台灣既過江龍啦,
講多句:
(附近九記牛腩街尾有間好飲既朱古力呀)
cuppucino large
$4
160 瀏覽
1 讚好
0 留言
張貼
