AFTER TEN (已結業)

依家6點後禁堂食，今日出開元朗市中心，順道買埋晚餐番去，支持下小店。我晚上6點左右到，餐廳啱啱清潔完，估計係剛剛開門做晚市，感覺疫情間做食肆嘅特別困難。餐廳環境精緻，乾淨，播住輕鬆音樂。檯之間距離頗遠，無壓迫感，適合慢食，感覺好舒服。紅醬羅勒葉肉丸扁意粉:紅醬味道清新，意粉軟硬度剛好，仍然有咬口。肉丸味道好Juicy，唔錯！焙茶鮮奶：焙茶味好香濃，入口順滑，有驚喜！幾鍾意個餐廳環境，下次試吓堂食先！