Ehonia (已結業)

穿過誠品書店、去到接近辦公大樓嘅位置，就會見到呢間幾多人幫襯嘅西餐廳🥪我叫咗個芝士漢堡配薯餅 ($98)，因為驚會膩，所以喺隔離間咖啡店買咗杯嘢☕️可惜窗邊啲位冇曬，所以我坐咗喺廚房隔離嘅吧枱，可以睇住佢哋煮都幾正，見證住薯餅係即叫即炸，麵包表面亦有搽滿牛油，最後連埋漢堡扒一齊擺入焗爐翻熱🤩當份食物預備好，職員會叫名、等客人過去攞，但有時會冇人應，搞到佢都有啲不知所措，好彩我坐吧枱可以即刻揮手示意😆漢堡包嘅內餡已經令我幾surprise，除左拉絲芝士，仲有濃邊煎蛋、漢堡扒仲有幾cm咁高😱初頭想成個攞住嚟食，點知實在太厚，而且半熟蛋嘅蛋汁不斷漏出嚟😂惟有用刀叉將佢解體，先搞掂面頭塊包，有蛋汁同牛油嘅加持真係特別正，再一啖食曬隻(爆咗嘅🤣)太陽蛋🍳佢哋選用嘅芝士幾特別，有少少煙燻味(?)，同著通Mozerella Cheese完全唔同，食起嚟唔會濟，反而降低咗成個包嘅油膩感👍🏻漢堡扒比較鬆散同乾，可能因為焗爐令水份走得好勁，煎就會鎖住多啲肉汁🤔薯餅當然脆卜卜，不過調味好輕手，可能佢哋都知個漢堡包比較重口味又大份😝$98食個lunch有啲貴，不過以希慎嚟講其實差唔多，我見好多人叫牛油果炒蛋多士