影片
更多
2023-05-15
60 瀏覽
🤗收工約咗朋友嚟銅鑼灣，好鍾意Fashion Walk果帶，因為冇咁多人（但係其實對做生意既係好差既事，Fashion Walk 既食街都幾冷清）。因為想同朋友好casual咁食個飯，就去Café，見到Urban Coffee Roaster，門面好靚好吸引，望都無望到個餐牌就入左去。🌴🦥好鍾意個環境同埋裝修，一入到去右手邊有一啲咖啡用品賣，🪵裝修又好木系同埋💡燈光！燈光！燈光好重要！呢度係好柔和，同埋好日式，🇯🇵座位都好寬敞，多人嘅又有梳化位。題外話：🥹一直都覺得，Café枱與枱之間真係要俾啲空間俾客人，呢個係一種尊重，💁🏻♀️要俾人哋坐低可以飲杯咖啡，慢慢傾偈或者睇書或者做野，真心呢啲係經營Café的禮儀，尤其喺香港租金咁高嘅地方，呢種「禮儀」係唔多，經營者都想塞滿用盡每一寸空間賺錢。所以一入到去我就已經定義呢間Café係用心經營，環境我係會比滿分，係俾錢食環境果種都願意。🙋🏻♀️Café 係用📱手機scan QR code自助落單，餐牌有好多嘢揀，連mussels都有幾種，仲有唔同既burger，🍔素食都有，沙律，🥗意粉同埋飯，當然仲有小食，睇黎個廚師真係廚師（唔係果啲食包食蛋食
因為想同朋友好casual咁食個飯，就去Café，見到Urban Coffee Roaster，門面好靚好吸引，望都無望到個餐牌就入左去。
🌴🦥好鍾意個環境同埋裝修，一入到去右手邊有一啲咖啡用品賣，🪵裝修又好木系同埋💡燈光！燈光！燈光好重要！呢度係好柔和，同埋好日式，🇯🇵座位都好寬敞，多人嘅又有梳化位。
題外話：
🥹一直都覺得，Café枱與枱之間真係要俾啲空間俾客人，呢個係一種尊重，💁🏻♀️要俾人哋坐低可以飲杯咖啡，慢慢傾偈或者睇書或者做野，真心呢啲係經營Café的禮儀，尤其喺香港租金咁高嘅地方，呢種「禮儀」係唔多，經營者都想塞滿用盡每一寸空間賺錢。
所以一入到去我就已經定義呢間Café係用心經營，環境我係會比滿分，係俾錢食環境果種都願意。🙋🏻♀️
Café 係用📱手機scan QR code自助落單，餐牌有好多嘢揀，連mussels都有幾種，仲有唔同既burger，🍔素食都有，沙律，🥗意粉同埋飯，當然仲有小食，睇黎個廚師真係廚師（唔係果啲食包食蛋食薯條食pizza 果啲既Café呀，你懂的）🙈🙈
Drink menu 都好用心，除左☕️咖啡，仲有好多 craft beer, beer, 🍺🍻 wine 🍷🥂，cocktail 🍹🍸, coffee cocktail… specialties🍵俾你揀，基本上係度買醉都得。
🙋🏻♀️朱古力熱飲☕️🍫
有得畀你揀濃度，好香又唔會甜到食唔到其他嘢。
🙋🏻♀️Chai Latte🫖
好香香料味同埋奶味，面頭上仲加咗一條肉桂同埋八角，打卡打卡打卡 📸
🙋🏻♀️Burrata Cheese Salad 🧀🥙
大大嚿脹卜卜嘅Burrata Cheese ar，加上意大利青醬 pesto＋陳醋，配搭好新鮮 ，沙律菜種類都好多，驚喜位係個黃色嘅番茄 🤭
🙋🏻♀️辣肉腸炒鮮魷魚🦑
啲魷魚大大粒大大條好大碟，個醬係用咗啲青椒同埋蒜頭仲有少少chorizo 炒香，配上魷魚本身嘅鮮味，再加上小小辣，🌶️配搭得好好，好特別，必食推介。👍👍👍
🙋🏻♀️黑松露薯條🍟
又係大大碟，粗薯條炸得啱啱好，不油不膩 ，加上剛剛好的黑松露香和松露醬，香脆可口，別無他求。
🙋🏻♀️卡邦尼煙豬腩意粉🍝
一上碟就好驚艷，因為佢唔係假的／港式卡邦尼意粉（即係用白汁或者忌廉整到好creamy嗰種），係見到意大利粉條條都掛住濃稠的汁，係蛋黃加上豬油香， 配上粒粒煙豬腩肉（唔係煙肉呀！！）看似簡單但超高水準發揮超好味呀！！
🙋🏻♀️甜品～黑芝麻抹茶撻🍵🍰
又係好大件 ，抹茶味好甘好濃，中間有小流心的黑芝麻， 不太甜又不膩，配搭得好好啊～～嗚呀～～～
🙋🏻♀️雲呢拿🍓士多啤梨撻🍰就食到好香嘅雲呢拿啊，仲見到少少雲呢拿籽添，就係呢種細節位同埋不妥協的用料啊～～先至令客人留下好好既用餐體驗！
🙇♂️🙇🏻♀️服務方面職員有周不時望下我地食晒未，幫我地收拾，加水，同埋準備甜品上枱，又有問我地好唔好食呀，夠唔夠食～服務真係好用心，仲話因為係岩岩轉左新餐牌，所以都想聽多啲客人意見。
🩷❣️總結：好開心係咁多間食肆中，我揀左呢間，有機會一定會叫多啲朋友黎，因為咁用心同埋食物質素可以去到呢個 level 既Café 唔多，係咁高租金既地帶，希望真係多番啲人流，先至可以sustain 到。🙏
Burrata Cheese Salad
1 瀏覽
0 讚好
0 留言
辣肉腸炒鮮魷魚
5 瀏覽
0 讚好
0 留言
黑松露薯條
1 瀏覽
0 讚好
0 留言
卡邦尼煙豬腩意粉
2 瀏覽
0 讚好
0 留言
抹茶黑芝麻撻
3 瀏覽
0 讚好
0 留言
雲呢拿士多啤梨撻
3 瀏覽
0 讚好
0 留言
張貼
