影片
更多
2022-12-09
2272 瀏覽
📍 #太子 Urban Roasted Resort#羊羊在佐敦#羊羊在九龍今餐係任食馬拉松最後一站，上一餐BBQ就飛咗唔提了🤣估唔到呢餐都幾好味，就算飽飽地都仲食得落，因為真係色香味俱全😆舖頭係由幾個年青人開嘅（我估），佢哋工作個陣幾開心，會傾計同唱歌🎤其實都幾羨慕佢哋，因為揾到份自己鍾意，又可以同成班fd做嘢嘅工🥹不過高過170嘅人嚟呢到食可能辛苦少少，因為主要集中樓上用餐，樓上樓底好矮，我170都差啲撞爆頭🤣但係裝修幾小清新，好多打卡位，陪女朋友嚟啱哂🥰🍹飲品✨白桃橘+乳酪好足料，放題都比大大杯🥛如果可以細杯啲就好，咁就可以試多啲😙白桃味好出，橘味就唔多覺，乳酪酸酸甜甜好夾☺️✨玫瑰青檸荔枝+乳酪好香荔枝味，飲真啲真係有玫瑰味🌹感覺有啲似可爾必思，冇咁甜，酸味重少少🤏✨香茅花蜜奶咖啡店員特別推介，奶味重啲，咖啡味稍稍弱咗，不過真係有香茅味，唔知點整出嚟🤔🍝食物✨黑松露巴馬臣忌廉芝士帆立貝意粉一上碟好香，係碟到見到落咗好多黑松露醬🤩食落勁creamy，應該落咗好多忌廉同cheese🧀帆立貝好大粒，仲要有膏，真係好正😭✨小食全包拼盤包哂所有小食，每款有2-3件🦐💥水牛城雞槌辣辣地，唔食
📍 #太子 Urban Roasted Resort#羊羊在佐敦
#羊羊在九龍
今餐係任食馬拉松最後一站，上一餐BBQ就飛咗唔提了🤣估唔到呢餐都幾好味，就算飽飽地都仲食得落，因為真係色香味俱全😆
舖頭係由幾個年青人開嘅（我估），佢哋工作個陣幾開心，會傾計同唱歌🎤其實都幾羨慕佢哋，因為揾到份自己鍾意，又可以同成班fd做嘢嘅工🥹
不過高過170嘅人嚟呢到食可能辛苦少少，因為主要集中樓上用餐，樓上樓底好矮，我170都差啲撞爆頭🤣但係裝修幾小清新，好多打卡位，陪女朋友嚟啱哂🥰
🍹飲品
✨白桃橘+乳酪
好足料，放題都比大大杯🥛如果可以細杯啲就好，咁就可以試多啲😙白桃味好出，橘味就唔多覺，乳酪酸酸甜甜好夾☺️
✨玫瑰青檸荔枝+乳酪
好香荔枝味，飲真啲真係有玫瑰味🌹感覺有啲似可爾必思，冇咁甜，酸味重少少🤏
✨香茅花蜜奶咖啡
店員特別推介，奶味重啲，咖啡味稍稍弱咗，不過真係有香茅味，唔知點整出嚟🤔
🍝食物
✨黑松露巴馬臣忌廉芝士帆立貝意粉
一上碟好香，係碟到見到落咗好多黑松露醬🤩食落勁creamy，應該落咗好多忌廉同cheese🧀帆立貝好大粒，仲要有膏，真係好正😭
✨小食全包拼盤
包哂所有小食，每款有2-3件🦐
💥水牛城雞槌
辣辣地，唔食得辣都可接受😁比雞翼好係多肉啲，少啲骨🤣
💥冬蔭功雞串
又真係幾有冬蔭功味，仲見到啲香茅，雞肉好入味，唔算柴😗
💥啤酒薯條配蜜糖芥末
啲醬係就咁淋上去，食落好似有蛋黃味🌝薯條係幼薯，比較易淋咗，可惜😖但整體都唔錯😎
💥泰式蒜蓉青檸汁燒帆立貝
好似其實呢到有好多泰式元素😂食落都泰式風，肉好嫩，仲有啲汁幾正🤤
💥泰式蒜蓉青檸汁汁煎阿根廷紅蝦
呢間舖其實都幾落本，好多都係靚食材🤑蝦幾實淨彈牙，不過唔太新鮮有啲難剝殼🤥
✨燒帆立貝配意式豬面頰肉車打芝士煙肉蛋奄列多士
蛋幾滑，煙肉成粒上，芝士仲勁厚，佢哋都唔知係咪蝕住做😨不過餡分唔均，係中間切一半係冇豬肉同帆立貝🥺
✨煙三文魚/巴馬火腿配青檸忌廉芝士牛油果醬多士
牛油果揀得好好，冇生嘅，所以食落好creamy🤤配煙三魚同巴馬火腿都好夾，層次唔同咗😃最特別係個多士用嘅麵包係有落果乾，食落又係唔同，突顯佢哋真係有用心🤪
🍨甜品
✨朱古力芝士蛋糕
開頭仲以為係brownie，朱古力苦澀味都出，但芝士味都冇蓋住，配茶飲一流✌🏻
✨牛角包窩夫
有凍同熱嘅甜品揀好正，窩夫熱辣辣配凍冰冰嘅雪糕，又係特別嘅口感，呢個配咖啡正啲☕️
人均價錢 － $298
評分－回頭草指數（🍀🍀🍀🍀🍀滿分）
食物：🍀🍀🍀🍀🍀
環境：🍀🍀🍀🍀
服務：🍀🍀🍀🍀🍀
張貼
